राष्ट्रिय चिकित्सा शिक्षा विधेयक समयसापक्ष भएको शिक्षामन्त्री पोखरेलको दावी

असार १७, २०७५ आइतबार १९:४६:३४ | उज्यालो सहकर्मी

काठमाडाैं - शिक्षा, विज्ञान तथा प्रविधि मन्त्री गिरिराजमणि पोखरेलले संघीय संसदमा टेबल गरिएको राष्ट्रिय चिकित्सा शिक्षा विधेयक, २०७५ समयसापेक्ष रहेको दावी गर्नु भएको छ ।

मन्त्री पोखरेलले आउँदो बुधबार भित्र विधेयक पारित गर्न सहयोग गरिदिन पनि प्रमुख प्रतिपक्ष नेपाली कांग्रेससहित संघीय संसदमा प्रतिनिधित्व गर्ने सबै राजनीतिक दलहरुलाई आग्रह पनि गर्नुभयो ।

आइतबार अपरान्ह पत्रकार सम्मेलन गरी उहाँले विधेयकमा मुलुकको चिकित्सा क्षेत्रमा देखिएको तमाम खालका विसंगति अन्त्य हुने गरी शक्तिशाली चिकित्सा शिक्षा आयोग गठनको व्यवस्था गरिएको पनि स्पष्ट पार्नुभयो । उहाँले विधेयकले सबै खालको भावनाको प्रतिनिधित्व गर्ने भएकाले यसमा विरोध गरिरहन नपर्ने तर्क पनि गर्नुभयो ।

मन्त्री पोखरेलले विधेयक देशको आवश्यक्ता भएको र यसको प्रमाणीकरणका ढिलाई भए पाठयक्रम निर्माण, परीक्षा प्रणाली व्यवस्थापन लगायतका काममा ढिलाई हुने पनि स्मरण गराउनुभयो ।

सरकारले संसदमा टेवल गरेको विधेयक अध्यादेश विपरित आएको भन्दै प्रमुख प्रतिपक्ष नेपाली कांग्रेसले मान्य नहुने चेतावनी दिइसकेको छ । तर मन्त्री पोखरेलले भने विधेयक विज्ञहरुसँग परामर्श गरी ल्याएको र त्यसले चिकित्सा क्षेत्रको समस्या समाधानका लागि उच्चस्तरीय आयोग स्थापना गर्ने व्यवस्था गरेको पनि उल्लेख गर्नुभयो ।

अन्तिम अपडेट: मंसिर १०, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्