विप्लव नेतृत्वको पार्टी कार्यकर्ता भएको आरोपमा व्यापारी पक्राउ

वैशाख २४, २०७६ मंगलबार १८:४२:४३ | शिव ढुंगाना

ओखलढुंगा– प्रहरीले विप्लव नेतृत्वको नेकपा कार्यकर्ता भएको आरोपमा एक जनालाई पक्राउ गरेको छ ।

पक्राउ पर्नेमा मानेभञ्ज्याङ गाउँपालिका वडा नं. ५ का वेगबहादुर राई रहेका छन् । प्रहरीले मानेभञ्ज्याङमा स्टेशनरी व्यवसाय गर्दै आएका राईलाई सोमबार घरबाटै पक्राउ गरेको थियो ।

जिल्ला प्रहरी कार्यालयका डीएसपी पुष्पराज मल्लले प्रहरीको अभिलेखमा राई विप्लव नेतृत्वको नेकपाका जिल्ला सदस्य भएको दाबी गर्नुभयो । उहाँले प्रहरीको अभिलेखमा विप्लव भएको पाइएकाले गिरफ्तार गरेर अनुसन्धान थालिएको बताउनुभयो ।

वेगबहादुर राईलाई राति हतियारसहित आएको नेपाल प्रहरी र सशस्त्र प्रहरीको टोलीले पक्राउ गरेर लगेको उहाँका आफन्तले बताएका छन् । निर्दोष मान्छेलाई प्रहरीले दुःख दिएको उनीहरुको गुनासो छ । प्रहरीले भने अनुसन्धान भइरहेकाले थप बताउन नमिल्ने जनाएको छ ।

अन्तिम अपडेट: मंसिर ३, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

शिव ढुंगाना

शिव ढुंगाना ओखलढुंगाका उज्यालो सहकर्मी हुनुहुन्छ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्