धरौटीमा रिहा भएका विप्लव नेतृत्वकाे नेकपाका जिल्ला इञ्चार्ज र सेक्रेटरी फेरि पक्राउ

वैशाख २७, २०७६ शुक्रबार १८:५१:३० | किरण लोहनी

गोरखा - जिल्ला अदालत गोरखाले धरौटीमा रिहा गर्ने आदेश दिएको विप्लव नेतृत्वकाे नेकपाका दुई नेतालाई फेरि पक्राउ गरेको छ । पार्टीका जिल्ला इञ्चार्ज योगेन्द्र कुमाल र सेक्रेटरी कपिल भट्टलाई अदालतले पाँच/पाँच हजार रुपैयाँ धरौटीमा रिहा गर्न आदेश गरेको थियो ।

प्रहरीलाई घाइते बनाएको र बम विस्फोटसम्बन्धी दुई वटा मुद्दामा अनुसन्धानका लागि फेरि उनीहरुलाई पक्राउ गरिएको प्रहरी प्रमुख एसपी भोला रावलले बताउनुभयो ।

वैशाख २२ गते पालुङटारबाट नियन्त्रणमा लिने क्रममा सेक्रेटरी भट्टले धकेल्दा एक प्रहरी घाइते भएको उहाँले जानकारी दिनुभयो । धकेलाधकेलका क्रममा भट्ट पनि घाइते भएका थिए ।

यस्तै उनीहरुविरुद्ध बम विस्फोटसम्बन्धी उजुरी पनि दर्ता भएको एसपी रावलले बताउनुभयो । जिल्ला अदालतबाट पक्राऊ आदेश लिएरै भट्ट र कुमाललाई पक्राउ गरिएको उहाँको भनाइ छ ।

प्रहरीले छुट्टाछुट्टै मितिमा पक्राउ गरी राजद्रोहकै मुद्दा चलाइएका पार्टीका विष्णु रिजाल र अञ्जु कुमाल भने पाँच/पाँच हजार रुपैयाँ धरौटीमा रिहा भएका छन् । रिजाल विप्लव नेकपाका जिल्ला जनपरिषद प्रमुख र कुमाल जिल्ला कमिटी सदस्य हुन् ।

अन्तिम अपडेट: मंसिर १६, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

किरण लोहनी

उज्यालोका गोरखा सम्वाददाता किरण लोहनी गोरखाको च्वाइस एफएममा पनि काम गर्नुहुन्छ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्