बलात्कारका आरोपित वडासदस्य प्रहरी नियन्त्रणमा

वैशाख ३१, २०७६ मंगलबार १७:३७:५८ | शिव ढुंगाना

ओखलढुंगा – बलात्कारको आरोपमा फरार रहेका लिखु गाउँपालिका वडा नं. ३ का वडा सदस्य विष्णु श्रेष्ठलाई प्रहरी कार्यालयमा आउँदै गर्दा प्रहरीले बाटोबाटै नियन्त्रणमा लिएको छ ।

बलात्कारको आरोपमा ०७५ चैत ९ गते जिल्ला प्रहरी कार्यालय ओखलढुंगामा उजुरी दर्ता भएपछि सम्पर्कविहीन रहेका श्रेष्ठलाई परिवारका सदस्यले प्रहरी कार्यालय ल्याउँदै गर्दा प्रहरीले बाटोबाटै मंगलबार नियन्त्रणमा लिएको हो ।

बलात्कारको आरोप लागेपछि वडा सदस्य श्रेष्ठ चैत ७ गतेदेखि नै मोबाइल बन्द गरेर सम्पर्कविहीन भएका थिए । उनलाई परिवारका सदस्यले उजुरीबारे प्रहरी कार्यालयमा छलफल गराउन ओखलढुंगा ल्याउँदै गर्दा बाटोबाटै फक्राउ गरेर हिरासतमा राखिएको छ ।

श्रेष्ठमाथि आफ्नै इँटाभट्टामा काम गर्ने १८ वर्षीया कामदारलाई बलात्कार गरेको आरोप छ । आफूलाई श्रेष्ठले चैत ७ गते बलात्कार गरेको भन्दै ती युवतीले जिल्ला प्रहरी कार्यालयमा ०७५ चैत ८ गते उजुरी दिएपछि प्रहरीले खोजी गर्दै आएको थियो ।

आरोपितका छोरा राजु श्रेष्ठले आरोप लागेपछि लामो समयसम्म सम्पर्कविहीन रहेका बुबालाई भेटाएपछि मुद्दाका बारेमा छलफल गराउन जिल्ला लैजाँदा बाटोबाटै प्रहरीले नियन्त्रणमा लिएर पक्राउ गरेको हल्ला चलाएको आरोप लगाउनुभयो ।

आरोप झूटाे भएकाले सबैलाई राखेर छलफल गराउन प्रहरी कार्यालयमै लैजाँदै गर्दा आफ्नो काम देखाउन प्रहरीले नाटक गरेको उहाँको भनाइ छ । जिल्ला प्रहरी कार्यालय ओखलढुंगाका इन्स्पेक्टर राजीव श्रेष्ठले भने परिवारको आरोप खण्डन गर्दै फरार रहेका श्रेष्ठलाई पक्राउ गरिएको जानकारी दिनुभयो ।

अन्तिम अपडेट: मंसिर ३, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

शिव ढुंगाना

शिव ढुंगाना ओखलढुंगाका उज्यालो सहकर्मी हुनुहुन्छ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्