छात्राहरुलाई सालको पातको टपरी बनाउने तालिम

जेठ १९, २०७६ आइतबार ८:३५:५५ | किरण लोहनी

गोरखा – गोरखा संग्रहालयले विभिन्न विद्यालयका छात्राहरुलाई सालको पातको टपरी बनाउने तालिम दिएको छ । संग्रहालयको शैक्षिक कार्यक्रम अन्तर्गत परम्परागत टपरी बनाउने तालिम दिइएको हो ।

संग्रहालय आसपासको शक्ति मावि, महेन्द्रज्योती मावि र बालमन्दिर माविका ८ देखि १० कक्षामा पढ्ने छात्राहरुलाई एक दिनको टपरी बनाउने तालिम दिइएको संग्रहालय प्रमुख नवराज अधिकारीले बताउनुभयो ।

तालिममा २४ जना छात्राको सहभागिता रहेको थियो । उनीहरुलाई गोरखा दरबारमा कार्यरत कर्मचारीहरुले टपरी, दुना र बोहोता बनाउन सिकाएका थिए । साँस्कृतिक केन्द्रको रुपमा रहेको संग्रहालयको दायित्वभित्र परम्पराको निरन्तरता पनि पर्ने भएकाले यस्तो तालिम दिइएको संग्रहालय प्रमुख अधिकारीको भनाइ छ । ‘विश्वभरका संग्रहालयहरुको छाता संस्था अन्तर्राष्ट्रिय संग्रहालय परिषदको यो वर्षको थिम पनि यस्तै प्रकारको छ’ अधिकारीले भन्नुभयो, ‘हामी परम्परागत सामग्रीको संग्रह त गर्छौँ, तर नयाँ पुस्तासम्म त्यसको विस्तार हुनु पनि जरुरी छ ।’

पातबाट दुना, टपरी बनाउने सीप पनि बिस्तारै हराउँदै जान थालेपछि त्यसको निरन्तरताको लागि तालिम सुरु गरिएको अधिकारीले बताउनुभयो । अहिले तालिम लिएका पुस्ताले आफूले जानेको सीप साथीभाइसँगै अर्को पुस्तालाई पनि सिकाउने भएकाले परम्परागत टपरी बनाउने सीपको विस्तार हुने उहाँको विश्वास छ ।

सहज रुपमा पाइने सालको पातबाट टपरी बनाउँदा प्लाष्टिकका भाँडाको प्रयोग कम गर्न सकिने उहाँले तर्क छ । सालको पातको दुना, टपरी वातावरणमैत्री पनि भएकाले यसको प्रयोगलाई ब्यापकता दिनुपर्नेमा अधिकारीले जोड दिनुभयो ।

तालिममा सहभागी छात्राहरुले पनि अहिले जानेको सीपलाई निरन्तरता दिने बताएका छन् । ‘घरमा हुने पूजा आजामा चाहिने दुना, टपरी म आफैँ बनाउन सक्छु’ शक्ति माविमा १० कक्षामा पढ्ने निर्मला घिमिरेले भन्नुभयो, ‘घरमा थोरै पात हुन्थ्यो, सिक्न पाइन्नथ्यो, यहाँ सिक्न पाउँदा खुशी लागेको छ ।’

संग्रहालयले पहिलो चरणमा आसपासका ३ विद्यालयबाट यो अभियान सुरु गरेको हो । विद्यालयहरुले नै पात गाँस्ने तालिममा सहभागी छात्राहरु छनोट गरेर पठाएका हुन् । ‘संग्रहालयबाट पत्र आयो, कक्षामा को–को जाने भनेर सोधेको थियौँ, धेरै नानीहरु उत्साहित देखिए ।’ शक्ति माविका प्रधानाध्यापक राजेन्द्रप्रसाद अधिकारीले भन्नुभयो ।

अहिले दिएको सीपको प्रभावकारिता हेरेर आगामी दिनमा तालिमको निरन्तरता दिने वा नदिने भन्ने तय गर्ने संग्रहालय प्रमुख अधिकारीले बताउनुभयो । पात गाँस्ने तालिम लिएका छात्राहरुबीच दुना, टपरी बनाउने प्रतियोगिता पनि गरिएको थियो । ४५ मिनेटभित्र आकर्षक दुना, टपरी र बोहोता बुनेका तीनवटै विद्यालयका एक एक छात्रालाई शैक्षिक सामग्री पुरस्कार दिइएको छ ।

अन्तिम अपडेट: मंसिर २०, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

किरण लोहनी

उज्यालोका गोरखा सम्वाददाता किरण लोहनी गोरखाको च्वाइस एफएममा पनि काम गर्नुहुन्छ ।

1 Comments

रिचा
June 2, 2019, 11:45 a.m.
I liked the idea of giving training on making traditional plates out of the tree leaves but why is this training made available for girls only. It's good to follow tradition but changes have to be incorporated as well. Didn't you think boys can take this training as well? Now we have to be able to give a message that says boys or girls, they are able to do anything. No work should be divided on the basis of the sex of a person. And we have to start this from our mindset. We have to change the way we think.
0 Reply

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्

छात्राहरुलाई सालको पातको टपरी बनाउने तालिम

1 Comments

रिचा

तपाईको प्रतिक्रिया

तपाईको प्रतिक्रिया