भारतको विमानस्थल प्रयोग गरी खाडीका देश जान सिफारिस पत्र अनिवार्य

असार ६, २०७६ शुक्रबार १८:५३:३३ | उज्यालो सहकर्मी

काठमाण्डौ – भारतको विमानस्थल प्रयोग गरी साउदी, कतार, कुवेत, यूएई, ओमान, बहराइन, इराक, लिविया र लेवनान जाँदै हुनुहुन्छ ?

त्यसो हो भने भारतस्थित नेपाली दूतावासबाट अनिवार्य रुपमा सिफारिस पत्र लिएर जानुहोला । भारतीय अध्यागमन पार गर्नका लागि दूतावासको सिफारिस पत्र (नो अब्जेक्सन सर्टिफिकेट) आवश्यक पर्ने छ ।

सिफारिस पत्र बिना अध्यागमन पार गर्न पाईंदैन । त्यसैले दूतावासको सिफारिसका लागि आवश्यक कागजात सहित सम्पर्क गर्न भारतस्थित नेपाली दूतावासले आग्रह गरेको छ ।

त्यो देश जानुपर्ने कारणसहित सम्बन्धित व्यक्तिले हस्ताक्षर गरेर निवेदन दिनुपर्ने छ । साथमा पासपोर्ट, गन्तव्य देशको हवाइ टिकट र भिसा, वैदेशिक रोजगारीमा जाने कामदारले वैदेशिक रोजगार विभागले जारी गरेको श्रम स्वीकृतिको प्रतिलिपि लगायतका कागजात पेश गर्नु पर्ने छ ।

साथै चीन, मकाउ, हङकङ र पाकिस्तानबाट भारत प्रवेश गर्ने नेपाली नागरिकका लागि भारतको भिसा आवश्यक पर्ने पनि दूतावासले जनाएको छ । त्यसैले प्रक्रिया पूरा गरेर मात्र यी देशबाट भारत प्रवेश गर्न पनि दूतावासले अनुरोध गरेको छ ।

अन्तिम अपडेट: पुस ५, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्