एउटै म्यानपावरविरुद्ध जेठ महिनामा मात्रै ३१ वटा उजुरी

असार ७, २०७६ शनिबार ११:२१:४९ | उज्यालो सहकर्मी

काठमाण्डौ – एक महिनाको समयमा एक म्यानपावरविरुद्ध वैदेशिक रोजगार विभागमा ३१ वटा उजुरी परेका छन् । काठमाण्डौको गौशलामा रहेको पर्पल एचआर सर्भिस प्राली विरुद्ध जेठ महिनामा मात्रै ३१ वटा उजुरी विभागमा दर्ता भएका छन् ।

जेठको महिनामा ५७ वटा मेनपावरविरुद्ध परेका ११० उजुरीमध्ये ३१ उजुरी पर्पल एचआर सर्भिस प्रालीविरुद्ध परेको छ । उजुरीकै आधारमा अहिले यो म्यानपावरलाई विभागले कारोबार पनि बन्द गरेको छ । अथवा यो म्यानपावर निष्क्रिय अवस्थामा छ । म्यानपावरले समस्या समाधान गरेपछि मात्रै कारोबार गर्न पाउछ ।

वैदेशिक रोजगारीको काम गर्ने क्रममा उसले गलत काम गरेर वा भनेको काम गर्न नसक्दा त्यो काम नबनेसम्मको लागि वैदेशिक रोजगार विभागले काम गर्न नपाउने गरी म्यानपावरलाई निष्कृय रुपमा राख्छ । तर उसले आफू विरुद्धपरेका उजुरी लगायत सबै कुराको फरफारक गरेपछि भने विभागले कारोबार गर्न पाउने अनुमति दिन्छ ।

पोल्याण्डका नाममा उजुरी धेरै

जेठ महिनामा यूरोपियन देशका नाममा उजुरी धेरै परेको छ । नेपाली कामदारको मुख्या गन्तव्य देश खाडी भए पनि देशगत आधारमा सबैभन्दा बढी उजुरी पोल्याण्डका नाममा आएको विभागको तथ्याँक छ ।

पोल्याण्डको नाममा व्यक्तिगत ५ र संस्थागत ३४ गरी ३९ वटा उजुरी परेका छन् । यस्तै क्यानडाका नाममा व्यक्तिगत रुपमा १९ वटा उजुरी परेका छन् ।
पछिल्लो समय युवाहरुको आकर्षण युरोप देशतिर बढेसँगै ती देशहरु पठाउने भन्दै म्यानपावरको ठगी पनि बढ्दो छ ।

यो ठगी युरोपेली देशभन्दा खाडी देशमा तुलनात्मक रुपमा कम भए पनि रोकिएको छैन । जेठ महिनामा मात्र कतारको नाममा २ वटा व्यक्तिगत र २५ वटा संस्थागत गरी २७ वटा उजुरी परेका छन् भने यूएईको नाममा ६ वटा व्यक्तिगत र १९ वटा संस्थागत गरी २५ वटा उजुरी परेका छन् ।

अन्तिम अपडेट: पुस ९, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्