अमरिश पुरी: बलिउडका यस्ता खलपात्र, जसले कैयाैँ अभिनेतालाई टक्कर दिए

असार ७, २०७६ शनिबार १७:५४:५५ | उज्यालो सहकर्मी

अमरिश पुरी बलिउडको यस्तो नाम हो, जो अभिनेता बन्न आएका थिए तर खलनायकको रुपमा आफ्नो छुट्टै पहिचान बनाए ।

सन् १९३२ जुन २२ मा पाकिस्तानको लाहोरमा जन्मिएका अमरिश पुरी सन् २००५ जनवरी १२ मा दुनियाँबाट अलबिदा भएका थिए । तर खलनायकको रुपमा उनले निभाएको भूमिका आजसम्म पनि भुल्न सकिँदैन ।

'मोगेम्बो' को नामबाट पहिचान बनाउने अमरिश पुरी एक मात्र बलिउडका यस्ता खलनायक हुन्, जसलाई आजसम्म कसैले टक्कर दिन सकेका छैनन् । उनले झण्डै चार सय चलचित्रमा काम गरेका छन् ।

कुनै चलचित्रमा जिद्दी पिताको भूमिका निभाएका उनले कुनै चलचित्रमा खतरनाक खलनायकसम्म बने । अमरिशले कैयाैँ भूमिका निर्वाह गरे तर केही यस्ता भूमिका छन्, जुन आजसम्म पनि सबैको मानसपटलमा छाएको छ ।

सन् १९८७ मा प्रदर्शनमा आएको चलचित्र 'मिस्टर इण्डिया' मा उनको मोगेम्बो को भूमिका अहिलेसम्म पनि उत्तिकै ताजा छ । यही चलचित्रको डायलग 'मोगेम्बो खुश हुआ' आज पनि उत्तिकै चर्चित छ । त्यसैगरी सन् १९८६ मा प्रदर्शनमा आएको चलचित्र 'नागिना' मा उनको डायलग 'अलक निरंजन बोलत' पनि निकै चर्चित छ ।

शाहरुख खान र सलमान खानको चलचित्र 'करण-अर्जुन' मा अमरिश पुरीको खलनायकको भूमिका दुवै अभिनेतामाथि भारी भएको थियो । चलचित्रमा ठाकुर दुर्जन सिंहको भूमिका निकै दमदार थियो । सन् १९८७ मा प्रदर्शनमा आएको चलचित्र 'लोहा' मा अमरिश पुरीको फिल्मी करियरको सबैभन्दा खतरनाक भूमिका मानिन्छ । यो चलचित्रमा उनको अभिनय मात्र नभई उनको लुक्स पनि निकै डरलाग्दो थियो ।

राकेश रोशनको निर्देशनमा बनेको र सन् १९९७ मा प्रदर्शनमा आएको चलचित्र 'कोयला' मा अमरिश पुरीको राजा साहबको भूमिका अझै दमदार छ । सन् २००१ मा प्रदर्शनमा आएको चलचित्र 'नायक' मा अमरिशले मुख्यमन्त्रीको भूमिका निभाएका थिए । यो चरित्र पनि निकै चर्चित भएको थियो ।

अमिषा पटेल र सन्नी देओलको चलचित्र 'गदरः एक प्रेम कथा' मा अमरिश पुरीको भूमिका सम्झनलायक थियो ।

अन्तिम अपडेट: माघ २८, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्