प्रहरी भ्यान दुर्घटना हुँदा दुई जनाकाे ज्यान गयाे, आठ जना घाइते

असार १०, २०७६ मंगलबार १९:७:१९ | उज्यालो सहकर्मी

रौतहट - थुनुवा लिएर चन्द्रपुरबाट गौरतर्फ आउँदै गरेको प्रहरीको भ्यान मंगलबार दिउसो दुर्घटना हुँदा दुई जना थुनुवाको मृत्यु भएको छ भने प्रहरी सहित ८ जना घाइते भएका छन् ।

थुनावा लिएर म्याद थप गराउन हिँडेकाे प्रहरी भ्यान गौर-चन्द्रपुर सडकखण्डको बालचनपुर नजिक दुर्घटना हुँदा दुई जना थुनुवाको मृत्यु भएकाे हाे ।

दुर्घटनामा चन्द्रपुर नगरपालिका-४ का २० वर्षीय मुकेश भन्ने निर्मल साह तथा सुनसरी इनरुवा-१ बस्ने ४० वर्षीय रमेशकुमार चौधरीकाे गम्भीर घाइते भएर उपचारको लागि विरगञ्ज लैजाँदा बाटोमै ज्यान गएकाे भएको प्रहरी कार्यालय रौतहटले जनाएको छ ।

दुर्घटनामा परेर गम्भीर घाइते भएका प्रहरी जवानद्वय हरिकिशोर चौधरी र अजय यादवलाई उपचारको लागि विरगञ्ज पठाइएको छ ।

नम्बर प्लेट नभएकाे प्रहरी भ्यान चलाइरहेका प्रहरी सहायक निरीक्षक दिपेश चौलागाईँ, प्रहरी हवलदारद्वय उमेश यादव र विनोद मण्डल तथा जवान संजिव कार्की तथा थुनुवा कुमार गेलाल र टेकबहादुर तामाङ सामान्य घाइते भएकाले चन्द्रपुर अस्पतालमा उपचार भइरहेको रौतहट प्रहरीका एसपी भुपेन्द्रबहादुर खत्रीले बताउनुभयाे ।

घटनाबारे प्रहरीले गम्भीर भएर अनुसन्धान गरिरहेको बताउँदै एसपी खत्रीले ग‍एकाे हप्ता थप गरिएको समय सकिन लाग्दा जिल्ला सरकारी वकिलको कार्यालयमा म्याद थप गर्न ल्याउने क्रममा उक्त दुर्घटना भएको जानकारी दिनुभयाे ।

अन्तिम अपडेट: कात्तिक २८, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्