गुल्मीमा पहिलो पटक मकैको मूल बीउ उत्पादन शुरु

असार १७, २०७६ मंगलबार १६:४१:४७ | जनार्दन घिमिरे

गुल्मी - प्रधानमन्त्री कृषि आधुनिकीकरण परियोजना अन्तरगत गुल्मी जिल्लामा मकै जोन परियोजना लागू भएसँगै यहाँका कृषकहरुले जिल्लामा पहिलो पटक मकैको मूल बीउ उत्पादन शुरु गरेका छन् ।

जिल्लाको ईस्मा गाउँपालिका अन्तरगत अमरपुर, मदानेको पुर्कोट दह र रेसुंगा नगरपालिकाको सिमीचौर गरी २० रोपनी क्षेत्रफलमा कृषकहरुले मकैको मूल बीउ लगाउन शुरु गरेका हुन् । अन्य जातको मकैको बीउको तुलनामा मूल बीउको मूल्य प्रति केजी दुई सय रुपैयाँभन्दा बढी पर्ने भएका कारण कृषकहरु मूल बीउ उत्पादनमा जोड दिन थालेका हुन् ।

मूल बीउ उत्पादनका लागि खुमल हाइब्रिड २ को भाले लाइन र पोथी लाइन फरक फरक लाइनमा रोपेर क्रसिङ्ग गराइ मूल बीउ उत्पादन गरिने मकै जोन परियोजनाका प्रमुख कुल प्रसाद दवाडीले बताउनु भयो ।सिंञ्चित क्षेत्रमा बेमौसमी मकै प्रवद्र्धनका लागि यस वर्ष करिव २० हेक्टर क्षेत्रफलमा विभिन्न जातका हाइब्रिड मकै खेती शुरु गरिएको छ ।

यसरी उत्पादित बीउको गुणस्तरीय तवरले भण्डारण तथा प्रशोधन गर्ने उद्देश्यले मकै जोन क्षेत्र अन्तरगत सिमीचौरको बासखर्क कृषि सहकारी संस्था, ईस्माको दिपज्योति बहुउद्देश्यीय कृषक समूह र पुर्कोटको उद्यमशील कृषि सहकारी संस्थामा प्रशोधन मेशीनरी सहितका सामग्रीहरु समेत उपलब्ध गराइएको छ ।

त्यसबाट जिल्लामा उत्पादित बीउ प्रशोधन सहित सम्बन्धित कृषक समूह र सहकारीहरुको लेवल र ब्राण्डमा जिल्ला बाहिरसमेत बीउको निकासी हुने अपेक्षा गरिएको छ । मकै जोन क्षेत्रबाट जिल्लामा यस वर्ष मात्र ४५ मेट्रिकटन बीउ बाहिरी जिल्लामा निर्यात गरिसकिएको छ ।

अन्तिम अपडेट: मंसिर २, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

जनार्दन घिमिरे

गुल्मीका क्रियाशील पत्रकार जनार्दन घिमिरे लामो समयदेखि उज्यालोमा कार्यरत हुनुहुन्छ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्