समाचार प्रभाव : फाप्लु विमानस्थलको निरीक्षण, ठेकेदारले लापर्वाही गरेको निष्कर्ष

असार ३०, २०७६ सोमबार १५:५८:८ | सुवास दर्नाल

सोलुखुम्बु – पहिरोको उच्च जोखिममा परेको सोलुखुम्बुको फाप्लु विमानस्थल निर्माणमा ठेकेदार कम्पनीको लापर्वाही रहेको पाइएको छ ।

उज्यालो अनलाइनमा समाचार प्रकाशन भएपछि पहिरोको जोखिममा परेको विमानस्थलको प्रमुख जिल्ला अधिकारी, सासंदसहितको टोलीले निरीक्षण गर्दै पर्खाल लगाउने क्रममा ठेकेदारले लापरबाही गरेका कारण पहिरोको जोखिममा परेको निष्कर्ष निकालेको हो ।

सोमबार प्रदेश सासंद उत्तम कुमार बस्नेत, प्रमुख जिल्ला अधिकारी नरेन्द्र कुमार रानासहितको एक टोलीले विमानस्थलको निरीक्षण गर्दै झण्डै १ महिनाअघि मात्र घेराबार निर्माण कार्य सम्पन्न गर्दा ठेकेदारले कमसल काम गरेकाले पहिरोको जोखिममा परेको निष्कर्षमा पुगेका हुन् ।

निर्माणकर्ताले विमानस्थलको पर्खाल बनाउँदा भत्किएको सडकलाई ढलान गर्ने क्रममा माटो भरेर त्यसैमाथि ढलान गर्दा भासिएको बताइएको छ । विमानस्थलको माथिलो भागमा लगाइएको पर्खालसहितका बार बनाउँदा झारो टार्ने मात्र काम गरेकाले दुर्घटनाको जोखिम बढेको टोलीले निष्कर्ष निकालेको छ ।

निरीक्षणपछि प्रमुख जिल्ला अधिकारी नरेन्द्रकुमार रानाले यस विषयमा आफूले गृह मन्त्रालयमा पत्राचार गर्ने बताउनुभएको छ ।

फाप्लु विमानस्थल पहिरोको जोखिममा

अन्तिम अपडेट: मंसिर ८, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

सुवास दर्नाल

उज्यालोका सोलुखुम्बु सहकर्मी सुवास दर्नाल हिमाल एफएममा पनि कार्यरत हुनुहुन्छ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्