विद्यालयमा कोट र टाइ नलगाउँदा प्रधानाध्यापकबाटै कुटिए शिक्षक

असार ३१, २०७६ मंगलबार ८:५२:५६ | बुद्ध तामाङ

भोजपुर – भोजपुर सदरमुकाममा रहेको सगरमाथा इंलिस बोर्डिङ्ग स्कूलका एक शिक्षकलाई आफ्नै विद्यालयका प्रधानाध्यापकले कुटपिट गरेका छन् । गएको आइतबार विद्यालयमा टाइ र कोट नलगाएको निहुँमा विद्यालयका प्रधानाध्यापक रमेश आलेले कुटपिट गरेको पीडित शिक्षक अतित अधिकारीले बताउनुभयो ।

आइतबार विद्यालयको पहिलो त्रैमासिक परीक्षाको नतिजा प्रकाशित गर्ने दिन थियो । अधिकारीले भन्नुभयो, ‘पढाइसकेपछि म स्टाफ रुममा टाइ र कोट झुण्ड्याएर जान्थेँ भोलिपल्ट विद्यालय समयमा लगाएर आउथेँ, आइतबार खाना खाएर सर्ट र पेन्ट लाउँदै गर्दा सहयोगीमार्फत बोलाएकोे खबर आयो । त्यसपछि म प्रधानाध्यापकको कोठामा गएँ । उहाँले मलाई खलासीजस्तो भएर आउने भनेर गाली गर्नुभयो । म कसैको गाली खान आएको हैन मलाई खलासी नभन्नुहोस् भन्दा उहाँले मलाई कार्यालय बाहिर ल्याएर कुटपिट गर्नुभयो ।’

यो भन्दा अघि पनि पटक–पटक विभिनन बाहानामा प्रधानाध्यापकले धम्की दिने गरेको बताउनुभयो । अधिकारीले आफूलाई गालामा र ढाडमा कुटपिट गरेको बताउनुभयो ।

अधिकारीले न्यायका लागि शिक्षक महासंघ, नेपाल पत्रकार महासंघ र जीफन्टलाई बोधार्थमार्फत लिखित निवेदन दिनुभएको छ । भोजपुरका प्रमुख जिल्ला अधिकारी नुरहरी खतिवडाले आफूकहाँ कारवाहीको माग गर्दै निवेदन लिएर आएकाले शिक्षा समन्वय इकाईमा समन्वय गरी समाधान गरिदिन लेखि पठाएको बताउनुभयो ।

ताप्लेजुङ्ग जिल्ला सिरिजंघा गाउँपालिका –१ घर भएका २८ वर्षीय अधिकारी पाँच महिनादेखि यो विद्यालयमा कक्षा ७ देखि १० सम्म अनिवार्य गणित र ऐच्छिक गणित विषय पढाउँदै आउनुभएको थियो । आफ्नो साथमा विद्यालयको नियुक्ति पत्र पनि नभएको अधिकारीले बताउनुभयो । उहाँले विद्यालयले आफ्नो एक महिनाको पारिश्रमिक नै नदिई विद्यालयबाट निकालिएको बताउनुभयो ।

निजी तथा आवासीय विद्यालयहरुको संगठन ‘प्याब्सन’का भोजपुर अध्यक्षसमेत रहेका विद्यालयका प्रधानाध्यापक आलेले अधिकारीलाई सम्झाएको, उसले पाउने पारिश्रमिकको चेक बनाएर दिएको बताउनुभयो । उहाँले भन्नुभयो ‘शिक्षक अधिकारीले अनौठो व्यवहार गरेको र अभिभावकहरुबाट आएको गुनासोका कारण आफूले सम्झाइ बुझाइ गरेको हुँ ।’

नेपाल शिक्षक महासंघ भोजपुरका अध्यक्ष तीर्थकुमार राईले एउटा श्रमजिवीमाथि कुटपिट हुँदा आपत्ती जनाउनुभएको छ । उहाँले घटनाको सत्यतथ्य जाँच गरी समाधानको बाटो पहिल्याउनुपर्ने बताउनुभयो ।

अन्तिम अपडेट: मंसिर ७, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

बुद्ध तामाङ

बुद्ध तामाङ भोजपुरका उज्यालो सहकर्मी हुनुहुन्छ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्