सामान्य विषयमा जंगलमा झगडा, भिरबाट खसेर एक जनाको ज्यान गयो

साउन ४, २०७६ शनिबार ११:४७:१६ | सुवास दर्नाल

सोलुखुम्बु – सोलुखुम्बुको खुम्बु पासाङ ल्हामु गाउँपालिका वडा नम्बर २ मा झगडा गर्ने क्रममा भिरबाट लडेर एक जनाको ज्यान गएको छ ।

स्थानीय राम मगर र नरबहादुर निरौलाबीच सामान्य विवादमा एकापसमा कुटाकुट हुँदा ३८ वर्षीय नरबहादुर निरौलाको भिरबाट लडेर ज्यान गएको सोलुखुम्बु प्रहरीले जनाएको छ ।

प्रहरी निरीक्षक उत्तम कार्कीका अनुसार शुक्रबार साँझ ६ बजेतिर स्थानीय नाबुङ जंगलमा जोक्पे(याक)लाई दाना खुवाइ फर्किने क्रममा विवाद सिर्जना हुँदा उनीहरुबीच कुटाकुट भएको थिए । त्यही क्रममा नरबहादुर निरौला भिरबाट खसेर घटनास्थलमै ज्यान गएको प्रहरीले पुष्टि गरेको छ । घटनाको विषयमा इलाका प्रहरी कार्यालय नाम्चेबाट प्रहरी टोली घटनास्थलमा पुगेर अनुसन्धान गरिरहेको छ ।

घटनामा सलंग्न ४८ वर्षीय राम मगर र सँगै गएका ङिमा सार्की शेर्पालाई प्रहरीले नियन्त्रणमा लिएको छ । घटनाको विषयमा थप अनुसन्धान गर्न इलाका प्रहरी कार्यालय नाम्चेबाट प्रहरी निरीक्षक देउप्रसाद लिम्बूसहितको अर्को टोली घटनास्थलतर्फ प्रस्थान गरेको छ ।

अन्तिम अपडेट: मंसिर ८, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

सुवास दर्नाल

उज्यालोका सोलुखुम्बु सहकर्मी सुवास दर्नाल हिमाल एफएममा पनि कार्यरत हुनुहुन्छ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्