गाडीसहित १२ प्रकारका वस्तुको अधिकतम खुद्रा मूल्य भन्सारमै तोक्नुपर्ने

साउन १४, २०७६ मंगलबार ११:५९:४१ | उज्यालो सहकर्मी

काठमाण्डौ – भन्सार विभागले भन्सार विन्दुमै अधिकतम खुद्रा मूल्य अर्थात् एमआरपी तोक्नुपर्ने वस्तुको सूची सार्वजनिक गरेको छ ।

चर्को भन्सार शूल्क लाग्ने बहाना बनाएर उपभोक्तासँग धेरै मूल्य लिने गरेको गुनासो आएपछि सरकारले केही वस्तुको अधिकतम खुद्रा मूल्य भन्सारमै तोक्नुपर्ने निर्णय गरेको थियो ।

मन्त्रीस्तरीय निर्णय अनुसार आयातकर्ताले भन्सारबिन्दुमै अधिकतम खुद्रा मूल्य तोक्नुपर्ने नियम लागू गरिएको भन्सार विभागले जनाएको छ । अबदेखि सबै प्रकारका टेलिभिजन, घरायसी एअर कन्डिसन, रेफ्रीजेरेटर, वासिङ मेसिनको अधिकतम खुद्रा मूल्य भन्सारमै तोक्नुपर्नेछ ।

यस्तै, माइक्रोओभन, सबै प्रकारका इनर्जी ड्रिंक्स, मार्वल ग्रेनाइट र टायल्स, कुकिङ रेञ्ज, भान्सामा प्रयोग हुने चिम्नी, डिजिटल क्यामेरा र भिडियो क्यामेराको अधिकतम खुद्रा मूल्य पनि आयातकर्ताले भन्सार बिन्दुमै उल्लेख गर्नुपर्नेछ ।

यस्तै, सबै प्रकारका सवारी साधनको अधिकतम खुद्रा मूल्य पनि अब भन्सार बिन्दुमै उल्लेख गर्नुपर्ने भएको छ । सवारीसाधनमा धेरै मूल्य तिर्नुपरेको भनेर उपभोक्ताले सबैभन्दा धेरै गुनासो गर्दै आएका छन् ।

अन्तिम अपडेट: मंसिर १५, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्