राष्ट्रबैंकले बैंक तथा वित्तीय संस्थालाई ऋण दिने, आवेदनको लागि आग्रह

साउन १५, २०७६ बुधबार १२:२:४९ | उज्यालो सहकर्मी

काठमाण्डौ – नेपाल राष्ट्र बैंकले एक वर्षको लागि विभिन्न बैंक तथा वित्तीय संस्थालाई ऋण दिने भएको छ ।

राष्ट्र बैंकले बुधबार सूचना निकालेर ३/३ महिनामा ब्याज लिने गरी ‘क’, ‘ख’ र ‘ग’ वर्गका बैंक तथा वित्तीय संस्थामा ऋण लगानी गर्ने जनाएको छ । राष्ट्र बैंकले आउँदो भदौ १ गतेदेखि २०७७ सालको साउन ३२ गतेसम्मको लागि मुद्दती निक्षेपमा ऋण लगानी गर्न लागेको जनाएको छ ।

सूचना अनुसार ‘क’ वर्गका बैंकले २१ करोड ७७ लाख रुपैयाँसम्म, ‘ख’ वर्गका बैंकले ४ करोड र ‘ग’ वर्गका वित्तीय संस्थाले १ करोड ३५ लाख रुपैयाँसम्म ऋण पाउने राष्ट्र बैंकले जनाएको छ । ऋण लिने बैंक तथा वित्तीय संस्थाले ३/३ महिनामा ब्याज भुक्तानी गर्नुपर्नेछ । आफूले चाहेको रकम र ब्याजदरसमेत खुलाएर आउँदो साउन १९ गतेभित्र आवेदन दिन पनि राष्ट्रबैंकले अनुरोध गरेको छ ।

रकम लिन चाहने बैंक तथा वित्तिय संस्थाको लागि राष्ट्रबैंकले निम्न शर्त राखेको छ–

– बैंक तथा वित्तीय संस्था सञ्चालनमा आएको कम्तीमा दुई वर्ष पूरा गरेको ।

– बैंकबाट तोकिएको न्यूनतम पूँजी कोष कायम रहेको ।

– निष्क्रिय कर्जा (एन.पी.ए) कुल कर्जा सापटको पाँच प्रतिशतभन्दा कम भएको ।

– खुद तरल सम्पत्ति स्वदेशी निक्षेपको कम्तीमा २० प्रतिशत वा त्योभन्दा बढी रहेको ।

– कर्जा/स्वदेशी निक्षेप र प्राथमिक पूँजी अनुपात बैंकले समय समयमा निर्धारण गरेको सीमाभित्र रहेको ।

– निकटतम अघिल्लो आ.व.मा सञ्चालन मुनाफा (व्यवस्था पछिको) मा रहेको ।

– रियल स्टेट कर्जा बैंकबाट तोकिएको सीमाभन्दा बढी नभएको ।

– लगानी गरिने संस्थाको कुनै पनि सञ्चालक, प्रमुख कार्यकारी अधिकृत वा कार्यकारी सञ्चालकलाई यस बैंकले जरिवाना गरेको अवस्थामा त्यस्तो जरिवाना गरिएका सञ्चालक, प्रमुख कार्यकारी अधिकृत वा कार्यकारी सञ्चालक उक्त संस्थामा कायम नरहेको ।

– शीघ्र सुधारात्मक कारबाहीमा परेको भए, फुकुवा भएको कम्तीमा ६ महिना पूरा भएको ।

– बैंक तथा वित्तीय संस्था नेपाल राष्ट्र बैंक ऐन, २०५८ को दफा ८६ बमोजिमको कारबाहीमा परी समस्याग्रस्त घोषणा नभएको । समस्याग्रस्त घोषणा भएको भए फुकुवा भएको ६ महिना अवधि पूरा भएको ।

– सर्वसाधारणको लागि छुट्याइएको शेयर जारी गरिसकेको ।

अन्तिम अपडेट: मंसिर १५, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्