शेयर लगानीकर्ता र अर्थ मन्त्रालयबीच सहमति, औसत मूल्यमा लाभकर गणना गरिने

साउन १५, २०७६ बुधबार १४:११:३९ | उज्यालो सहकर्मी

काठमाण्डौ – शेयर कारोबारमा पूँजीगत लाभकर गणनाको विवाद सकिएको छ ।

अर्थ मन्त्रालयमा बुधबार लगानीकर्ता संघका प्रतिनिधि र मन्त्रालयका सहसचिव तथा वित्तीय व्यवस्थापन महाशाखाका प्रमुख तोयम रायाबीच भएको सहमतिअनुसार २०५८ सालदेखि २०७६ सालको असार मसान्तसम्म भएको कारोबारको औसत मूल्य निकाल्ने र त्यसैका आधारमा लाभकरको गणना गरिने छ ।

‘पहिले पनि खासै समस्या त थिएन, त्यही पनि आज लगानीकर्ताहरुसँग औसतमा मूल्य निकालेर लाभकर निकाल्ने सम्झौता भएको छ, कुरा मिलेपछि लगानीकर्ताहरु मन्त्रालयबाट निस्किएका छन् ।’ सहसचिव रायले उज्यालो अनलाइनसँग भन्नुभयो ।

मन्त्रालयले धितोपत्र बोर्डलाई लगानीकर्ताहरुसँगको सहमतीअनुसार औसत मूल्य निकालेर कर निर्धारणको विधि अपनाउन निर्देशन दिएको पनि उहाँले जानकारी दिनुभयो ।

मन्त्रालयमा भएको छलफलमा पाँच ओटै लगानीकर्ताका संघका प्रतिनिधि, नेपाल स्टक एक्सचेञ्जका प्रमुख कार्यकारी अधिकृत चन्द्रसिंह साउद, धितोपत्र बोर्डका कार्यकारी निर्देशक निरज गिरि, सीडीएससीका प्रमुख कार्यकारी अधिकृत देवप्रकाश गुप्तालगायतको उपस्थिति थियो ।

सहमतिअनुसार असार यता बिक्री भएका शेयरको लागत भारित औसतभन्दा कम भएमा कर तिर्नु पर्ने छैन भने साउनदेखि भएका कारोबारमा वास्तविक मूल्यमै कर निर्धारण हुनेछ ।

अन्तिम अपडेट: मंसिर १५, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्

शेयर लगानीकर्ता र अर्थ मन्त्रालयबीच सहमति, औसत मूल्यमा लाभकर गणना गरिने

तस्बिर - मेराे लगानी

तपाईको प्रतिक्रिया