प्याराडाइज म्यानपावरमा विभागको छापा

साउन १९, २०७६ आइतबार १७:२१:३ | उज्यालो सहकर्मी

काठमाण्डौ – वैदेशिक रोजगार विभागले बखुण्डोलमा रहेको प्याराडाइज म्यानपावरमा छापा मारेको छ । यूएई पठाउने भन्दै बढी शुल्क मागेको सूचनाको आधारमा विभागमा छापा मारिएको विभागका महानिर्देशक भीष्मकुमार भूसालले जानकारी दिनुभयो ।

म्यानपावरले यूएईको एक कम्पनीमा क्लिनर काममा पठाइदिने भन्दै कामदारसँग चर्को शुल्क मागेको सूचना पाएपछि विभागको टोली पुगेको थियो । विभागको टोली म्यानपावरमा पुग्दा पैसा मागिरहेको रंगेहात भेटिएको पनि उहाँले जानकारी दिनुभयो ।

यस्तै बन्द रहेको मलेसिया पठाइदिने भन्दै अन्तर्वार्ता लिने क्लासिक अमेभरसिज म्यानपवरमा पनि विभागले शनिबार छापा मारेको थियो । बत्तिसपुतलीमा रहेका म्यानपावरको कार्यालयमा अन्तर्वार्ता लिइरहेको ठाउँमा विभागको टोलीले छापा मारेको हो ।

कम्पनीले बाबासुन प्याकेजिङ कम्पनीका लागि भन्दै अन्तर्वार्ता लिइरहेको भेटिएको विभागले जानकारी दिएको छ । अन्तर्वार्ताका लागि १५० जना युवा लाइनमा बसेका थिए ।

अन्तर्वार्ताका लागि मलेसियाकै कम्पनीबाट ३ जना प्रतिनिधि पनि सहभागी भएको पाइएको विभागले जनाएको छ । संस्थाले त्यो कम्पनीका लागि विभागबाट पूर्वस्वीकृति पनि नलिएको प्रारम्भिक अनुसन्धानबाट देखिएको छ ।

टोलीले अन्तर्वार्तामा प्रयोग गरिएका कागजात नियन्त्रणमा लिएको छ भने म्यानपावरका सञ्चालकलाई २४ घण्टाभित्रै विभागमा उपस्थित हुन पनि निर्देशन दिएको छ । मलेसियाको रोजगारी २०७५ जेठ दुई गतेदेखि बन्द छ ।

अन्तिम अपडेट: पुस ६, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्