विद्यालय कर्मचारी हत्याको छानबिनको माग गर्दै सडक अवरुद्ध

साउन ३०, २०७६ बिहीबार १३:५१:२७ | किरण लोहनी

गोरखा – जंगलमा मृत भेटिएका मनकामना बहिरा आवासीय माध्यामिक विद्यालयका कर्मचारी श्यामहरि घिमिरेको मृत्युबारे छानबिन गर्न माग गर्दै स्थानीय बासिन्दाले गोरखा आबुखैरेनी सडक एक घन्टा अवरुद्ध गरेका छन् ।

गोरखा नगरपालिका वडा नम्बर ९ र १० का बासिन्दाले घिमिरेको हत्या भएको आशंका गर्दै छानबिनको माग राखेर बिहीबार बिहान पौने १२ बजेदेखि एक घन्टा सडक अवरुद्ध पारेका हुन् । उनीहरुले मनकामना बहिरा आवासीय माविको प्रशासन कक्षमा तालाबन्दी पनि गरेका छन् ।

‘हत्याको छानबिनका सम्बन्धमा विद्यालय व्यवस्थापन समितिको भूमिका प्रभावकारी देखिएन’ मृतक घिमिरेका आफन्त सुवास घिमिरेले भन्नुभयो, ‘जिम्मेवारी बहन गर्न नसक्ने व्यवस्थापन समिति खारेजीको मागसहित हाललाई विद्यालयको प्रशासन कक्षमा तालाबन्दी गरिएको हो ।’

उनीहरुले घटनाको सत्थतथ्य छानबिन गर्न, हत्यारालाई कारबाही गर्न, विद्यालय व्यवस्थापन समिति र जिल्ला बहिरा संघ खारेज गर्नुपर्ने, घिमिरेको पोष्टमर्टम रिपोर्ट सार्वजनिक गर्नुपर्नेलगायतका माग पनि राखेका छन् । निष्पक्ष छानबिनको माग गर्दै आफन्तले गोरखा अस्पतालमा रहेको शव बुझेका छैनन् ।

गोरखा नगरपालिका १० टक्सारमा रहेको विद्यालय नजिकैको जंगलमा मंगलबार बिहान बहिरा विद्यालयका कर्मचारी घिमिरे मृत भेटिएका थिए । सोमबार साँझ विद्यालयमा आफ्नो नियमित काम सकेर त्यही वडाकै नौबिसेमा रहेको घर गएका उनी मृत अवस्थामा जंगलमा भेटिएपछि स्थानीयले हत्याको आशंका गर्दै आएका छन् । उनको शव मूल सडकदेखि सय मिटर तल कुवाडी सामुदायिक वनमा खुट्टा र टाउकोमा चोट लागेको अबस्थामा भेटिएको हो ।

घटनास्थल र शवको अवस्थाका आधारमा दुर्घटनाभन्दा नियोजित रुपमा घटना गरिएको हुनसक्ने स्थानीयको आशंका छ । २० वर्षदेखि त्यही विद्यालयमा कार्यरत ५० वर्षका घिमिरे पनि बहिरा हुन् । घटनाको अनुसन्धान भैरहेको जिल्ला प्रहरी कार्यालयका डीएसपी महेन्द्र नेपालले जानकारी दिनुभयो ।

अनुसन्धानका क्रममा त्यही विद्यालयका ३ विद्यार्थीलाई नियन्त्रणमा लिइएको जिल्ला प्रहरी कार्यालयले जनाएको छ ।

अन्तिम अपडेट: मंसिर १५, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

किरण लोहनी

उज्यालोका गोरखा सम्वाददाता किरण लोहनी गोरखाको च्वाइस एफएममा पनि काम गर्नुहुन्छ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्