बासी खाना खाँदा रामेछापमा नौ जना बिरामी

भदौ ३, २०७६ मंगलबार २०:३:५८ | दीपक भट्ट

रामेछाप - बिहानको बासी खाना बेलुकी तताएर खाँदा रामेछापमा ९ जना बिरामी परेका छन् ।

मन्थली नगरपालिका वडा नं–११ मा मनकामना माध्यमिक विद्यालयको भवन निर्माण कार्यमा संलग्न ९ जना कामदारहरु बिरामी परेका हुन् ।
सोमबार बिहान पकाएको खाना राति भुटेर खाएका कामदारहरु मंगलबार बिहानदेखि बिरामी परेका हुन् । उनीहरुलाई ज्वरो आउने, पखाला लाग्ने, पेट दुख्ने जस्ता साझा लक्षणहरु देखा परेकाे बताइएकाे छ ।

बिरामी पर्ने कामदारहरु रामेछाप, मोरङ र ओखलढुंगा जिल्लाका रहेका बताइएकाे छ । उनीहरुको मन्थलीमा रहेकाे तामाकोशी सहकारी अस्पतालमा उपचार भइरहेको छ ।

बासी खानाका कारण कामदारहरु बिरामी परेको उपचारमा संलग्न तामाकोशी अस्पतालका चिकित्सक शिवलक्ष्मी कुँवरले बताउनुभयाे ।बिरामीहरु सबैको अवस्था सामान्य रहेको अस्पतालले जानकारी दिएको छ । सोमबार राति भुटेको खाना खाएर सुतेका सबै बिहान उठ्नेबित्तिक्कै बिरामी परेको अस्पतालमा भर्ना भएका राजु मगरले बताए ।

गाउँको विद्यालय भवन निर्माणका लागि विभिन्न जिल्लाबाट आएका कामदारहरु एक्कासी बिरामी भएपछि अस्पतालमा उपचारका लागि ल्याइएको मन्थली नगरपालिका वडा नं–११ का वडा अध्यक्ष भिमबहादुर थापामगरले बताउनुभयाे ।

अन्तिम अपडेट: मंसिर ६, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

दीपक भट्ट

दीपक भट्ट उज्यालोका रामेछाप सहकर्मी हुनुहुन्छ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्