१८ कराेड रुपैयाँ हिनामिना गरेकाे आराेपमा देवः विकास बैंकका शाखा प्रबन्धक पक्राउ

भदौ ४, २०७६ बुधबार १४:९:४४ | हेमराज शर्मा

दाङ – १८ कराेड रुपैयाँ रकम हिनामिना गरेकाे आराेपमा नारायणपुरमा रहेको देवः विकास बैंकका प्रबन्धक पक्राउ परेका छन् ।

रकम हिनामिना गरेको आरोपमा घोराही उपमहानगरपालिका वडा नम्बर १५ का भरतपुर निवासी बासी २९ वर्षिय समिर बुढाथोकीलाई दाङ प्रहरीले पक्राउ गरेको हो ।

बुढाथोकीमाथि देवः विकास बैंकबाटै १७ करोड ९९ लाख ९० हजार रुपैँया अनियमितता गरेको उजुरी प्रहरीमा परेको थियो । घोराही उपमहानगरपालिका वडा नम्बर १० नारायणपुरमा रहेको शाखाबाट कर्जा स्वीकृति नगराइ ऋण प्रवाह गरेको आरोप छ ।

वेस्टर्न डेभेलपमेण्ट बैंक गएको असारमा देवः विकास बैंकसँग गाभिएको थियो । बुढाथोकी विसं २०६७ सालदेखि वेस्टर्न डेभेलपमेण्ट बैंकमा कार्यरत थिए । विगत डेढ वर्षदेखि उनी म्यानेजरका रुपमा काम गर्दै आएका थिए ।

बुढाथोकीले ३५ जना नक्कली ऋणी खडा गरी आफूलाई फाइदा र बैंकलाई नोक्सान हुने गरी पैसा हिनामिना गरेको आरोप लागेको छ । जिल्ला प्रहरी कार्यालय दाङले बैंकिङ्ग कसुर तथा सजाय ऐन अन्तर्गत मुद्दा दर्ता गरेको छ ।

उनलाई आज उच्च अदालत तुलसीपुरको नेपालगञ्ज बाणिज्य इजलासमा म्याद थपका लागि लगिएको छ । दाङमा वाणिज्य इजलास नभएकोले उनलाई बाँके लगिएको हो ।

अन्तिम अपडेट: मंसिर १५, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

हेमराज शर्मा

दाङमा बसेर पत्रकारिता गर्ने हेमराज शर्मा लामो समयदेखि उज्यालोमा कार्यरत हुनुहुन्छ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्