फौजी किराले रामेछापकाे अन्नबाली सखाप, किसान चिन्तित

भदौ ६, २०७६ शुक्रबार १६:३२:१७ | दीपक भट्ट

रामेछाप – पछिल्लो समय विभिन्न जिल्लामा अमेरिकन फैजी किराको प्रकोप बढ्दो छ । रामेछापका विभिन्न गाउँपालिकामा पनि यसको प्रकोप देखिएको छ ।

खाँडादेवी गाउँपालिकाको वडा नम्बर-३, भिरपानीकोे लाप्का र डफ्का तथा रामेछाप नगरपालिका वडा नम्बर ५ रामपुरमा अमेरिकन फौजी किराले अन्नबाली सखाप पारेपछि त्यस क्षेत्रका किसान चिन्तित बनेका छन् ।

यसअघि देखा नपरेको किराले खेतबारीमा लगाएको बाली सखाप पारेपछि किसानहरुले फौजी किराको नियन्त्रणका लागि सम्बन्धित पक्षसँग सहयोग मागिरहेका छन् । खेतबारीमा लगाइएको बाली र डालेघाँसमा किराको प्रकोप देखिएको हो । फौजी किरा एक पटकमा एक सय मिटर टाढासम्म उडेर जाने र दिउँसोभन्दा बढी राति सक्रिय हुन्छ ।

आफूले लगाएको बाली फौजी किराले सखाप पारेपछि केही किसानहरुले फेरि अर्काे बाली लगाउन सुरु गरेका छन् । मकैको बोटको गुवावाट पसेको किराले मकैको डाँठ प्वाल पार्दै जरासम्म खाने गरेको छ ।

त्यस्तै मकैलगायत अन्य खाद्यबालीमा देखिएको फौजी किराले सबै पात प्वाल पार्ने र पात नै पहेँलो हुने गरेको खाँडादेवी गाउँपालिका वडा नम्बर ३ भिरपानी डफ्काकी गंगाकुमारी माझीले गुनासो गर्नुभयो ।

‘यस्तो किरा अहिलेसम्म पनि देखेको थिइनँ, अहिले आएको किरा सेतो पुतलीजस्तै आकारको छ । यो किरा दिउँसो १÷२ ओटा मकै र अन्नबालीमा मात्रै देखिए पनि रातको समयमा मकैको पातभरि सेताम्मे हुन्छ’, माझीले भन्नुभयो ।

पहिले लगाएको मकैबाली सखाप भएपछि केही किसानहरुले फेरि दोहोर्‍याएर मकै पनि छर्न भ्याए । दोहोर्याएर लगाएको मकैबाली पनि सखाप पारेपछि त्यसको रोकथामको लागि केही किसानले विषादी समेत छरे । तर विषादी छर्दा पनि फौजी किरा नियन्त्रण हुनुको साटो लाभ्रा किरा झन् मोटाएर गएको स्थानीय किसान सानु माझीले भन्नुभयो ।

सुरुमा रामेछापको खाँडादेवी गाउँपालिकाको भिरपानीमा देखा परेको फौजी किरा अहिले रामेछाप नगरपालिकाको वडा नम्बर-५, रामपुरमा समेत देखा परेको छ । दिनभरि जंगलतिर लुक्ने यो किरा रात परेपछि खेतबारीमा लगाइएको अन्नबाली खाने गर्नेको छ ।

किसानहरुले भने आवश्यक रोग निराकरण गर्नको लागि प्राविधिकसहित विषादी उपलब्ध गराइदिन गाउँपालिकासँग माग गरेका छन् । ‘गाउँपालिकाका धेरै किसानहरुले आफ्नो खेत तथा बारीमा लगाएको सबै अन्नबाली सखाप भयो भनेर हामी कहाँ आएका छन् ।

किसानले जानकारी गराएपछि गाउँपालिकाको कृषि शाखामा कार्यरत कर्मचारी र गाउँपालिकाका केही साथीहरु गएर स्थलगत रुपमा निरीक्षण गर्दा धेरै प्रकोप देखियो’, खाँडादेवी गाउँपालिकाका अध्यक्ष प्रेमबहादुर तामाङले जानकारी दिनुभयो ।

उहाँले भन्नुभयो, ‘किसानले लगाएको बाली सखाप पारेपछि हामीले तत्काल यो किरा कस्तो हो भनेर ल्याब परीक्षण गर्न काठमाण्डौ पठायौँ । ल्याब परीक्षणको रिपोर्टमा फौजी किरा नै भएको पुष्टि भएको छ । यसलाई रोक्न हामीसँग दक्ष जनशक्ति र त्यस अनुसारको विषादी नभएकाले प्रदेश र संघीय सरकारसँग अनुरोध गरेका छौं । यो समस्या हल गर्न हामी लागि परेका छौँ ।’

यसअघि यो किरा अमेरिका हुँदै छिमेकी देश भारत र चीन प्रवेश गरेको थियो । अहिले चीन हुँदै नेपाल प्रवेश गरेको कृषि ज्ञान केन्द्र रामेछापले जनाएको छ । यो रोग नियन्त्रणका लागि त्यति सहज नभएको कार्यालयले जनाएको छ ।

अन्तिम अपडेट: मंसिर ९, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

दीपक भट्ट

दीपक भट्ट उज्यालोका रामेछाप सहकर्मी हुनुहुन्छ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्