जनप्रतिनिधिकै ट्रयाक्टर अवैध रुपमा बालुवा निकाल्ने काममा संलग्न

भदौ ९, २०७६ सोमबार १९:२३:१९ | दयाराम आचार्य

नवलपरासी – कालीगण्डकी नदीबाट अवैध रुपमा नदीजन्य पदार्थ चोरी निकास गर्ने चार ओटा ट्रयाक्टर प्रहरीले नियन्त्रणमा लिएको छ ।

बुलिङटार गाउँपालिकाको नदीबाट अवैध रुपमा बालुवा निकाल्दै गरेका ४ ओटा ट्रयाक्टर प्रहरीले नियन्त्रणमा लिएको हो ।

बालुवा चोरी निकासी गर्दैगर्दा गाउँपालिका सदस्यदेखि नेपाली कांग्रेस बुलिङटार गाउँपालिका सभापतिको ट्रयाक्टरसमेत प्रहरीले नियन्त्रणमा लिएको छ । बुलिटङटार गाउँपालिका–३ का सदस्य विष्णुवीर जर्गामगर र नेपाली कांगे्रसका बुलिङटार गाउँपालिका सभापति चन्द्रबहादुर मगरको ट्याक्टर प्रहरीले नियन्त्रणमा लिएको हो ।

प्रहरीले लु ३ त ६२३५, लु ३ त ९२०१, लु ३ त ६०२४ र लु ४ त २३१३ नम्बरका ट्याक्टरलाई अवैधरुपमा खोलाबाट नदीजन्य पदार्थ चोरी निकासी गर्दैगर्दा नियन्त्रणमा लिइएको बुलिङटार प्रहरी चौकीका प्रहरी सहायक निरीक्षक सुबोध सापकोटाले बताउनुभयो ।

नियन्त्रणमा लिइएको लु ४ त २३१३ नम्बरको ट्याक्टर वडा सदस्य जर्घा मगर र लु ३ त ९२०१ र लु ३ त ६२३५ नम्बरको ट्रयाक्टर नेपाली कांग्रेसका गाउँपालिका सभापति मगरको रहेको प्रहरीले जनाएको छ ।

बुलिङटार प्रहरीले थप कारबाहीका लागि गाउँपालिकामा विवरण पठाइसकेको सहायक निरीक्षक सापकोटाले बताउनुभयो । गाउँपालिकाले नदीजन्य पदार्थ चोरी निकासीमा प्रयोग हुने ट्याक्टरलाई १५ हजार र संलग्न चालकलाई १० हजार गरी २५ हजार जरिबाना गर्ने नियम बनाएको छ ।

अन्तिम अपडेट: मंसिर ७, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

दयाराम आचार्य

नवलपरासी सुस्ता पूर्वका उज्यालो सहकर्मी दयाराम आचार्य स्थानीय एफएममा पनि कार्यरत हुनुहुन्छ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्