बैंकर्स संघ बैठक : भ्रम फैलाउने मिडियाविरुद्ध प्रेस काउन्सिलसँग छलफल गर्ने, बैंकलाई पनि ब्रोकरेज लाइसेन्स दिन माग

भदौ ११, २०७६ बुधबार १३:२५:२७ | उज्यालो सहकर्मी

काठमाण्डौ – नेपाल बैंकर्स संघले बैंकिङ क्षेत्रको विषयमा पछिल्लो समय नागरिकमा भ्रम छर्ने सामग्री प्रस्तुत भैरहेको भन्दै आपत्ती जनाएको छ । बुधबार बसेको संघको पूर्ण बैठकले भनेको छ, ‘विगत केही समयदेखि बैकिङ्ग क्षेत्रको बारेमा केहि मिडियाहरुले समग्र बैंकिङ्ग क्षेत्रकै जनमानसमा नकरात्मक छवि फैलाउने, बैंक तथा बैंकका कर्मचारीहरुको मान–मर्यादामा ठेस पुग्ने गरी कपोलकल्पित समाचार प्रकाशन गरेकोमा यस संघको ध्यानाकर्षण भएको छ ।’

संघले प्रेस काउन्सिल नेपालसँग समन्वय गरी कपोकल्पित समाचारहरु प्रकाशनमा रोक/कारवाही गर्न के–कसो गर्न सकिन्छ भन्ने बारे छलफल गर्ने निर्णय पनि गरेको छ ।

ब्रोकरेज लाइसेन्सबाट पछि नहट्न माग

बैंकहरुलाई शेयर ब्रोकरेजको लाइसेन्स दिने प्रक्रिया अचानक रोकिएकोमा पनि बैंकर्स संघले आपत्ती जनाएको छ । नेपाल स्टक एक्सचेञ्जले पहिले ब्रोकरेज लाइसेन्सको लागि निवेदन माग गर्ने तर निवेदन दिइसकेपछि भने प्रक्रिया स्थगन गरेको संघको आरोप छ ।

‘नेपाल स्टक एक्सचेन्जले बैंकहरुलाई ब्रोकरेज लाइसेन्स जारी गर्न सूचना प्रकाशन गरे पश्चात बैंकहरुले सबै प्रक्रिया अवलम्बन गरी सो सेवा प्रदान गर्न आन्तरिक तयारीसमेत सबै पूरा गरेको अवस्थामा अकस्मात नेपाल स्टक एक्सचेञ्जले ब्रोकरेज लाइसेन्स दिने प्रक्रिया स्थगनगरेकाबारे यस संघको ध्यानाकर्षण भएको छ ।’

संघको पूर्ण बैठकले नेपाल स्टक एक्सचेन्जलाई पक्रियाया पुर्‍याएर निवेदन दिएका बैंकहरुलाई तुरुन्तै ब्रोकरेज लाइसेन्स प्रदान गर्न अनुरोध गर्ने निर्णय पनि गरेको छ ।

यस्तै नेपाल राष्ट्र बैंकबाट अहिले जारी गरिएको परिपत्रमार्फत औसत ब्याजदर अन्तर गणना गर्ने विधिलगायतका अन्य कुराहरुमा गरिएको परिवर्तनले गर्दा बैंकिङ्ग क्षेत्र तथा समस्त अर्थतन्त्रमा पार्ने नकारात्मक प्रभावका बारेमा संघले नेपाल राष्ट्र बैंकलाई लिखित रुपमा जानकारी गराएको र यो विषयका प्रावधान संशोधनको लागि फेरि राष्ट्र बैंकलाई अनुरोध गर्ने पनि बैंकर्स संघले जनाएको छ ।

अन्तिम अपडेट: मंसिर १५, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्