रुपन्देहीमा कालाजारबाट एक जनाको ज्यान गयो

भदौ २४, २०७६ मंगलबार १६:३४:३७ | भवानीप्रसाद पाण्डे

रुपन्देही – रुपन्देहीमा कालाजारबाट एक जनाको ज्यान गएको छ ।

लुम्बिनी प्रादेशिक अस्पतालका अनुसार पाल्पाको रैनादेवी छहरा गाउँपालिका बल्ढेङगढीकी २३ वर्षीया जीवन रानाको मृत्यु भएको हो । अस्पतालका मेडिकल सुपरिटेण्डेण्ट डाक्टर कृष्णप्रसाद खनालका अनुसार भैरहवाको मेडिकल कलेजमा उपचारको क्रममा कालाजारको लक्षण देखिएपछि उनलाई उपचारका लागि लुम्बिनी प्रादेशिक अस्पतालमा ल्याइएको थियो । यो क्षेत्रमा लुम्बिनी प्रादेशिक अस्पताल बुटवलमा कालाजारको उपचार हुने गर्दछ ।

वरिष्ठ फिजिसियन डाक्टर महेशराज घिमिरेका अनुसार मानिस दुब्लाउँदै जाने, रक्त अल्पता हुने, फियोे र कलेजोको आकार बढ्ने, सामान्यदेखि उच्च ज्वरो आउने, पेट फुलिने, खान मन नलाग्ने, शरीर कमजोर हुँदै जाने कालाजारका लक्षण हुन् । कालाजार लेसमानिया डोनोभानी प्यारासाइट नामक जिवाणुका कारण हुने रोग भएको डाक्टर घिमिरेले जानकारी दिनुभयो ।

कालाजार एक प्रकारको सेन्ट फ्लाई नामक भुसुनाको टोकाइबाट सर्ने गर्दछ । रोगी व्यक्तिलाई टोकेको भुसुनाले निरोगी व्यक्तिलाई टोकेमा यो रोग सर्ने गर्दछ । पहिला पहिला यो रोग तराई क्षेत्रमा बसोबास गर्नेलाई मात्रै हुने गरे पनि पछिल्लो समयमा पहाडी र उच्च हिमाली क्षेत्रमा समेत देखिन थालेको छ ।

अन्तिम अपडेट: पुस ३, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

भवानीप्रसाद पाण्डे

रुपन्देहीका उज्यालो सहकर्मी भवानीप्रसाद पाण्डे बुटवल एफएममा पनि काम गर्नुहुन्छ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्