चेकमा हस्ताक्षर नमिलेमा या ब्यालेन्स नभएमा कालोसूचीमा पर्ने सम्भावना

भदौ २५, २०७६ बुधबार ८:३३:६ | उज्यालो सहकर्मी

काठमाण्डौ – बैंकमा चेक लिएर रकम लिन जाँदै हुनुहुन्छ भने ध्यान दिनुहोस् । अब चेकमा गलत हस्ताक्षर गरेमा या खातामा ब्यालेन्स नभएमा कालोसूचीमा पर्नेसम्मको कारबाही भोग्नुपर्छ ।

राष्ट्र बैंकले बैंक तथा वित्तिय संस्थाहरुलाई एकीकृत निर्देशन जारी गर्दै यस्तो व्यवस्था ल्याएको हो । खातामा रकम नभएको अवस्थामा पनि चेक काटिदिने, खराब नियतले गलत हस्ताक्षर गर्ने प्रवृत्ति बढ्दै गएपछि राष्ट्र बैंकले यस्तो निर्देशन ल्याएको हो ।

तर अज्ञानताका कारण चेकमा गलत हस्ताक्षर गर्नेलाई भने यसबाट असर पर्ने छैन । एकपटक चेकमा गलत हस्ताक्षर भए सम्बन्धित व्यक्ति, फर्म, कम्पनी तथा संस्थाले नयाँ चेक काट्न वा सही हस्ताक्षर गर्न ७ दिनको समय पाउनेछन् ।

यसरी दिइएको समयभित्र पनि चेकको हस्ताक्षर गलत भएमा सम्बन्धित व्यक्ति, फर्म, कम्पनी र संस्था कालोसूचीमा पर्ने सम्भावना हुन्छ ।

अन्तिम अपडेट: मंसिर १४, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्