सन्तानको सुख शान्ति तथा चिरायुको कामना गर्दै मिथिलाञ्चलको जितिया पर्व सम्पन्न

असोज ५, २०७६ आइतबार १८:३९:३१ | शैलेन्द्र महतो

धनुषा - सन्तानको सुख शान्ति तथा चिरायुको कामना गर्दै मिथिलावासीहरुले मनाउने जितिया पर्व आइतबार पारन गरी सम्पन्न भएको छ ।

शुक्रबारदेखि विधिवत रुपमा सुरु भएको जितिया पर्व आइतबार व्रतालुहरुले नदी, पोखरी, ईनार, ताल-तलैयामा स्नान गरी घर फर्केर बेसारको पातमा चुरा, दही, फलफुल जित जितमाहन देउतालाई चढाएपछि सम्पन्न भएको हो । चढाइएका पूजा सामग्री आफ्ना सन्तानलाई प्रसादको रुपमा ग्रहण गर्न लगाउने चलन छ ।

पर्वको पहिलो दिन व्रतालुहरु नुहाएर घिरौँलाको पातमा तेल खँडी चढाउँदै सन्तानको शीरमा तेल दलिदिएर सुख शान्ति एवं दीर्घायुको कामना गर्ने चलन छ । शाकाहारी महिलाहरुले नजिकको पोखरी, ईनार, ताल कुवामा स्नान गरेर गम्हरी (कोसा भित्रै फल्ने धान) को खीर वा भात पनि खाने गरिन्छ ।

यस पर्वमा व्रतालुहरु २४ देखि ३६ घण्टासम्म पानी पनि नखाने र थुकसमेत ननिल्ने हुनाले जितिया पर्व निकै कठोर मानिन्छ । जितिया पर्वको मुख्य उद्देश्य मोक्ष प्राप्तिको कामनासँगै परिवारको कल्याण पनि रहेको मान्यता छ ।

अन्तिम अपडेट: मंसिर २९, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

शैलेन्द्र महतो

शैलेन्द्र महतो उज्यालोका धनुषा सहकर्मी हनुहुन्थ्यो।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्