एक्स्काभेटरबाट लडेर बैतडीमा एक जनाको ज्यान गयो

कात्तिक ७, २०७६ बिहीबार १०:५४:४३ | जयराज अवस्थी

बैतडी – मेलौली नगरपालिका –५ मा बिहीवार एक्स्काभेटरबाट लडेर एक जनाको ज्यान गएको छ । ज्यान गुमाउनेमा स्थानीय ५५वर्षीय शुक्रसिंह पुजारा रहेका छन् । मेलौलीको लामालेक–ढणौन सडकखण्डको पेलेमा एक्स्काभेटरमा सवार पुजारा एक्स्काभेटरबाट लडेका थिए । एक्स्काभेटरबाट लडेपछि त्यही एक्स्काभेटरले पुजारालाई किचेको प्रहरीले जनाएको छ ।

लामालेक– ढणौन सडक निर्माणको काम गरिरहेको एक्स्काभेटर घर निर्माणको लागि जमिन सम्याउन ल्याउँदै गरेका अवस्थामा बिहीबार बिहान ८ बजे पुजारा एक्स्काभेटरबाट खसेको इलाका प्रहरी कार्यालय मेलौलीका प्रहरी नायव निरीक्षक (सई) मानसिंह बोहराले जानकारी दिनुभयो । एक्स्काभेटर चालक दशरथचन्द नगरपालिका–२ देहिमाडौंका ३० वर्षीय शेरीसिंह बोहरा फरार छन् ।

फरार चालकको खोजी भइहरेको जिल्ला प्रहरी कार्यालय बैतडीले जनाएको छ । घटनाको बारेमा थप अनुसन्धान भइरहेको छ ।

यस्तै, बैतडीमा ट्रक दुर्घटनामा चालक दार्चुलाको नौगाड गाउँपालिका सिप्टीका गोपालसिंह धामीको ज्यान गएको छ । धनगढीबाट दार्चुलातर्फ गइरहेको ग्यास बोकेको से १ ख १९२३ नम्बरका ट्रक बैतडीको सतबाँझ–गोकुलेश्वर सडकखण्डको सिन्केलेकमा बिहीबार बिहान दुर्घटनामा परेको थियोे ।

चालक निदाएको वा ब्रेक फेल भएर ट्रक दुर्घटनामा परेको हुनसक्ने प्रहरीले अनुमान गरेको छ । ट्रकमा चालकमात्र रहेको प्रहरीले जनाएको छ ।

अन्तिम अपडेट: कात्तिक २३, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

जयराज अवस्थी

जयराज अवस्थी बैतडीका उज्यालो सहकर्मी हुनुहुन्छ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्