बेलायती प्रधानमन्त्री बोरिस जोन्सनकाे मध्यावधि आम चुनावको प्रस्ताव अस्वीकृत

कात्तिक १२, २०७६ मंगलबार १४:४६:२० | उज्यालो सहकर्मी

बेलायती संसदको तल्लो सदन हाउस अफ कमन्सले मध्यावधि आम चुनाव गराउने प्रधानमन्त्री बोरिस जोन्सोनको प्रस्ताव अस्वीकृत गरेको छ ।

डिसेम्बर १२ तारिखमा आम चुनाव गराउने प्रधानमन्त्री जोनसनले गरेको प्रस्तावको पक्षमा २९९ र विपक्षमा ७० मत खसेको थियो । धेरै मत पक्षमा परे पनि प्रधानमन्त्रीको प्रस्ताव पारित हुन आवश्यक पर्ने ४ सय ३४ मत नआएकाले प्रस्ताव अस्वीकृत भएको हो ।

संसदमा बेलायती विपक्षी दलका नेता जेरेमी कोर्बिनले प्रधानमन्त्री जोनसनलाई विश्वास गर्न नसकिने बताउनुभएको थियो ।

बेलायत युरोपेली संघबाट बाहिरिने सम्झौता अर्थात ब्रेक्जिटको समयावधि आगामी जनवरी महिनाको अन्तिमसम्म थपिएको छ । युरोपेली परिषद्का अध्यक्ष डोनाल्ड टस्कले युरोपेली सङ्घबाट बेलायत बाहिरिने समयावधि थप गरेको बताउनुभएको हो ।

जनवरी ३१ को समय सीमाबारे बेलायती संसद्को निर्णय अनुसार बेलायतका प्रधानमन्त्री बोरिस जोनसनले युरोपेली परिषदमा समय थप गर्न अनुरोध गर्नुभएको थियो ।

अन्तिम अपडेट: मंसिर १०, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्