श्रीलंकाविरुद्धको टी-२० सिरिज अस्ट्रेलियाले जित्याे

कात्तिक १३, २०७६ बुधबार १७:४२:३६ | उज्यालो सहकर्मी

श्रीलंकाविरुद्धको टी-२० सिरिज अस्ट्रेलियाले जितेको छ । तीन खेलको सिरिजमा घरेलु टोली अस्ट्रेलिया २-० ले अगाडि रहँदै एक खेलअगावै सिरिज जितेकाे हो ।

श्रीलंकासँगको दोस्रो टी-ट्वेण्टी क्रिकेट अस्ट्रेलियाले ९ विकेटले जितेको छ । अष्ट्रेलियाको ब्रिस्बेनमा श्रीलंकाले दिएको १ सय १८ रनको लक्ष्य अस्ट्रेलियाले १३ ओभरमा मात्र १ विकेट गुमाएर भेटायो ।

अस्ट्रेलियाले जिताउन डेभिड वार्नरले नटआउट ६० र स्टिभ स्मिथले नटआउट ५३ रन बनाए । एरोन फिन्च भने खाता नखोली आउट भए । यसअघि टस जितेर पहिले ब्याटिङ गरेको श्रीलंकाले १९ ओभरमा सबै विकेट गुमाएर १ सय १७ रन बनायो । उसका लागि कुशल परेराले २७ र दनुष्का गुनाथिलकाले २१ रन बनाउनुबाहेक अरुले राम्रो प्रदर्शन गर्न सकेनन् ।

श्रीलंकालाई सस्तैमा समेट्न अष्ट्रेलियाका बेली स्टानलेक, प्याट कमिन्स, अस्टन अगर र एडम जाम्पाले समान २ विकेट लिए ।

पहिलो टी-२० अस्ट्रेलियाले १३४ रनले जितेको थियो । तेस्रो तथा अन्तिम टी-२० शुक्रबार हुनेछ ।

अन्तिम अपडेट: मंसिर १४, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्