प्रदेश २ सरकारले ‘लुटतन्त्र’ मच्चायो : नेता साह

कात्तिक १५, २०७६ शुक्रबार १६:४७:१४ | उज्यालो सहकर्मी

बारा - नेपाल कम्युनिष्ट पार्टी (नेकपा) प्रदेश २ का अध्यक्ष प्रभु साहले प्रदेश २ सरकारले ‘लुटतन्त्र’ मचाएको आरोप लगाउनु भएको छ ।

नेकपा कचोर्वाद्वारा शुक्रबार कचोर्वामा दशैँ, दीपावली तथा छठ पर्वको अवसरमा आयोजित शुभकामना कार्यक्रमलाई सम्बोधन गर्दै पूर्व मन्त्रीसमेत रहेका नेकपा नेता साहले मानव विकास सूचकांकमा पछाडि रहेको प्रदेश २ लाई अगाडि बढाउनुको साटो प्रदेश सरकारले लुटतन्त्र मच्चाएको आरोप लगाउनुभयो ।

‘प्रदेश २ मानव सूचकांकमा पछाडि परेको छ, शिक्षा, स्वास्थ्य, यातायातलगायतको क्षेत्रमा विकासका लागि खर्चको आवश्यक्ता छ’, प्रदेश अध्यक्ष साहले भन्नुभयो, ‘तर दुर्भाग्य यहाँको प्रदेश सरकार विकासको नाममा लुटतन्त्र मच्चाएको छ, बजेट जति जथाभावी गर्ने र कार्यकर्ता पाल्ने काम बाहेक अरु केही हुन सकेको छैन ।’

केन्द्रसँग सधैँ गुनासो गर्ने प्रदेश सरकारले सरकार बनेको दुई वर्षमा के काम गर्यो भन्ने प्रश्न गर्दै उनले अब नागरिकले हिसाब खोज्ने बेला भइसकेको बताउनुभयो । संघीय सरकारका साथै कम्युनिष्ट नेतृत्वको अन्य प्रदेशले विकासको दिशामा अगाडि बढिरहँदा प्रदेश २ सरकार भने भ्रष्टाचारमा डुबेको नेता साहले बताउनुभयो ।

उहाँले हुलाकी राजमार्ग, काठमाण्डौ–तराई मधेस फास्ट ट्रयाक, निजगढ अन्तर्राष्ट्रिय विमानस्थल, पूर्व–पश्चिम रेलमार्ग, समृद्ध सदरमुकामलगायतका आयोजनाहरु संघीय सरकारको नेतृत्व गरिरहेको कम्युनिष्ट सरकारले पूरा गर्ने बताउनुभयो ।

अन्तिम अपडेट: माघ ५, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्