उपचुनावमा सेना परिचालन गरिने

कात्तिक २१, २०७६ बिहीबार १९:१२:१४ | उज्यालो सहकर्मी

काठमाण्डौ - आउँदो मंसिर १४ गते हुन लागेको उपचुनावमा नेपाली सेना परिचालन गरिने भएको छ । सरकारले चुनावको सुरक्षाका लागि भन्दै सेना परिचालन गर्ने निर्णय गरेको हो ।

मन्त्रिपरिषद् बैठकले गरेको निर्णय बिहीबार सार्वजनिक गर्दै सरकारका प्रवक्ता गोकुल बाँस्कोटाले मंसिर १४ गते हुने उपचुनाव शान्तिपूर्ण रुपमा सम्पन्न गर्न सेना परिचालन गर्ने निर्णय भएको जानकारी दिनुभयो ।

१ प्रतिनिधि सभा सदस्य, ३ प्रदेश सभा सदस्यसहित ३७ जिल्लाका स्थानीय तहका विभिन्न कार्यकारी पदका लागि चुनाव हुन लागेको हो । उपचुनावका लागि बिहीबार उम्मेदवारी दर्ता सकिएको छ ।

यस्तै सरकारले तीनै तहको सरकारबीच प्राकृतिक स्रोतको रोयल्टी बाँडफाँडको आधार र हिस्सा स्वीकृत गरेको छ । सरकारले गोदावरी नगरपालिकामा तीन हजार सिट क्षमताको सम्मेलन केन्द्र निर्माणका लागि रहेको जग्गा मध्ये २५ रोपनी जग्गा शहरी विकास मन्त्रालयको नाममा स्वामित्व हस्तान्तरण गर्ने निर्णय पनि गरेको छ ।

यस्तै सरकारले नेपाली सेनाका लेखा प्रमुख सेनानी गोपालप्रसाद सिग्देलको पदोन्नती गरेको छ । सिग्देललाई लेखा महासेनानी दर्जामा पदोन्नति गरिएको प्रवक्ता बाँस्कोटाले जानकारी दिनुभयो ।

गएको १७, १८ र २० गते बसेको मन्त्रिपरिषदकाे ३ वटा बैठकले विभिन्न १६ वटा निर्णय गरेको छ ।

अन्तिम अपडेट: माघ ५, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्