बंगलादेशका राष्ट्रपति हमिदले आज उच्चस्तरीय भेटवार्ता गर्दै

कात्तिक २७, २०७६ बुधबार १०:२:३७ | उज्यालो सहकर्मी

काठमाण्डौ – नेपाल भ्रमणमा रहेका बंगलादेशका राष्ट्रपति मोहम्मद अब्दुल हमिद बुधबार उच्चस्तरीय भेटवार्तामा व्यस्त रहनुहुने भएको छ ।

बिहान १० बजेर ५० मिनेटमा राष्ट्रियसभाका अध्यक्ष गणेशप्रसाद तिमिल्सिनासँग शिष्टाचार भेट गर्ने बंगलादेशका राष्ट्रपति हमिदले ११ बजेर १० मिनेटमा नेकपाका अध्यक्ष पुष्पकमल दाहाल ‘प्रचण्ड’सँग भेट गर्ने कार्यक्रम तय भएको छ ।

त्यसपछि उहाँले २ बजे नेपाली कांग्रेसका सभापति शेरबहादुर देउवासँग भेट गर्दै हुनुहुन्छ । त्यसलगत्तै दिउँसो २ बजेर ४० मिनेटमा प्रधानमन्त्री केपी शर्मा ओली र दिउँसो सवा तीन बजे उपराष्ट्रपति नन्दबहादुर पुनसँग पनि भेट गर्नुहुनेछ । दिउँसो साढे ४ देखि ५ बजेसम्म राष्ट्रपति विद्यादेवी भण्डारी र बङ्गलादेशका राष्ट्रपति हमिदबीच आपसी हितका विषयमा छलफल हुनेछ ।

बुधबार नै राष्ट्रपति भण्डारीले समकक्षीको स्वागतमा रात्रिभोज आयोजना गर्नुभएको छ । नेपालको ४ दिने औपचारिक राजकीय भ्रमणमा नेपाल आइपुग्नुभएका राष्ट्रपति हमिदले मंगलबार परराष्ट्रमन्त्री प्रदीपकुमार ज्ञवालीसँग शिष्टाचार भेट गर्नुभएको थियो । भेटमा दुईपक्षीय हितका विषयमा कुराकानी भएको मन्त्री ज्ञवालीले जानकारी दिनुभयो ।

यस्तै, भेटमा नेपालको पर्यटन, लगानी र आपसी सहकार्य गर्न सकिने विषय र यसअघि भइरहेका सहकार्यलाई थप बलियो बनाउने विषयमा छलफल भएको उहाँले बताउनुभयो ।

नेपाल भ्रमणको क्रममा राष्ट्रपति हमिदले काठमाण्डौका विभिन्न ऐतिहासिक तथा पुरातात्विक, सांस्कृतिक सम्पदाको अवलोकन गर्ने कार्यक्रम रहेको परराष्ट्र मन्त्रालयले जनाएको छ । मंगलबार भक्तपुर दरबार स्क्वायरको अवलोकन गर्नुभएका राष्ट्रपति हमिद बिहीबार पोखरा जानुहुनेछ । उहाँ शुक्रबार दिउँसो स्वदेश फर्कने कार्यक्रम रहेको छ ।

अन्तिम अपडेट: माघ २, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्