संखुवासभाकाे मकालु गाउँपालिकामा क-कसकाे उम्मेदवारी पर्‍याे?

कात्तिक २७, २०७६ बुधबार १५:४३:४४ | उज्यालो सहकर्मी

संखुवासभा - आउँदो मंसिर १४ गते हुने उपचुनावका लागि संखुवासभाकाे मकालु गाउँपालिका अध्यक्षकाे पदका लागि सात राजनैतिक दलले मनोनयन दर्ता गराएका छन् ।

नेपाली कांग्रेसबाट बिमान पराजुली र नेपाल कम्युनिष्ट पार्टी (नेकपा)को तर्फबाट तेजबहादुर पोख्रेल, संघीय समाजवादी फोरमबाट नुर्बा शेर्पा, राष्ट्रिय प्रजातन्त्र पार्टी संयुक्त (हलो चिन्ह) बाट मानबहादुर बिश्वकर्मा, राष्टिय जनमुक्ति पार्टी रमेश राई, राप्रपा (गाई) बाट मेघनाथ राई र संघीय लोकतान्त्रिक मञ्चबाट कविता राईले उम्मेदवारी दर्ता गराएका हुन् ।

त्यसैगरी खाँदबारीमा रहेकाे मुख्य निर्वाचन अधिकृतको कार्यालयमा खाँदबारी नगरपालिका वडा नम्बर-३ बाट नेपाली कांग्रेसका उम्मेदवार बिक्रम गुरुङ तथा नेपाल कम्युनिष्ट पार्टी (नेकपा) उम्मेदवार भरतकुमार घिमिरे दर्ता गराउनुभयाे । खाँदबारी–३ मा नेकपा र कांग्रेसले मात्रै उम्मेदवारी दर्ता गराएकाले दुई दलको मात्रै प्रतिस्पर्धा हुने देखिएको छ ।

मकालु गाउँपालिका अध्यक्ष खडगबहादुर कटवाल तथा खाँदबारी नगरपालिका वडा नम्बर-३ का वडाध्यक्ष तोयनाथ ढुङगानाकाे मृत्युपछि खाली रहेका पदका लागि नेपाल कम्युनिष्ट पार्टी (नेकपा), नेपाली कांग्रेस र अन्य पाँच राजनैतिक दल गरी सात वटा दलले मनोनयन दर्ता गराएका हुन् ।

मकालु गाउँपालिकाका उम्मेदवारले मकालु गाउँपालिकाको निर्वाचन अधिकृतको कार्यालयमा मनोनयन दर्ता गराएका हुन् । मनोनयन दर्ता गराउन उम्मेदवारहरु पार्टी कार्यकर्ता र झण्डा र्‍यालीसहित निर्वाचन अधिकृतको कार्यालयमा पुगेका थिए । उम्मेदवारको मनोनयन दर्ता पछि पनि पार्टी कार्यकर्ताले झण्डा र र्‍यालीसहित बजार परिक्रमा गरेका थिए ।

निर्वाचन आयोगले उपनिर्वाचनका लागि बुधबार बिहान १० बजेदेखि दिउँसो १ बजेसम्म मुख्य र निर्वाचन अधिकृतको कार्यालयमा उम्मेदवारको मनोनयनपत्र दर्ता गर्ने समयसीमा तोकेको थियो ।

अन्तिम अपडेट: पुस २५, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्