यू–१९ च्यालेञ्जर्स ट्रफी : भारतको ब्लू टिमसँग दुई विकेटले पराजित

कात्तिक २९, २०७६ शुक्रबार १७:८:४९ | उज्यालो सहकर्मी

भारतमा जारी यू–१९ च्यालेञ्जर्स ट्रफीको लिग चरणमा नेपाल जितविहीन बनेको छ । राउण्ड रोबिन लिगको अन्तिम खेलमा आज नेपाल भारतको ब्लू टिमसँग दुई विकेटले पराजित भयो ।

प्रतिस्पर्धात्मक खेलमा नेपालले दिएको २११ रनको लक्ष्य भारत ब्लूले ४६.३ ओभरमा आठ विकेट गुमाउँदै पूरा गर्‍यो ।

भारतको जितमा दिभ्यांश जोशीले ५४ रनको अर्धशतकीय इनिङ्स खेले । यस्तै कृष्ण सेट्टीले ३९ रन बनाए भने राजेश जम्वालले २९, सागर धैयाले २८ रनको योगदान दिए ।

बलिङतर्फ आकाश चन्दले चार विकेट लिँदा सागर ढकालले दुई विकेट हात पारे । यस्तै कुशल मल्ल र शेर मल्लले पनि एक-एक विकेट लिए ।

यसअघि टस हारेर ब्याटिङको निम्तो पाएको नेपालले ४९.५ ओभरमा सबै विकेट गुमाउँदै २१० रन बनाएको थियो । नेपालका लागि कप्तान रित गौतमले ८४ रनको उत्कृष्ट इनिङ्स खेले । अन्य ब्याट्सम्यानहरु दोहोरो अंकको रन बनाउन नपाउँदै पभेलियन फर्किँदा रितले ९३ बल खेलेर १२ चौका र एक छक्का प्रहार गरे ।

लोकेश बम पाँच रनमा, त्रितराज दास दुई रनमा, विशालविक्रम केसी ३ रनमा र अभिषेक बस्नेत डक आउट हुँदा उनी क्रिजमा टिकेर बसेका थिए । उनी बाहेक शेर मल्लले ३३, हरिबहादुर चौहानले २० रन बनाए आकाश चन्दले १८ रनको योगदान दिए ।

बलिङतर्फ दिभ्यांश जोशी र अथर्व विनोद अन्कोलेकरले दुई-दुई विकेट लिए । यस्तै अकिव खान, विवेक कुमार र आरएम विष्नोईले एक-एक विकेट हात पारे ।

अन्तिम अपडेट: मंसिर १४, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्