बलात्कारको आरोप लागेपछि भारतबाट भागेका नित्यानन्द बाबाले बनाए ‘छुट्टै देश’ !

मंसिर १८, २०७६ बुधबार १५:१६:४५ | उज्यालो सहकर्मी

बलात्कारको आरोप लागेपछि भारत छाडेर भागेका ‘स्वयम्भू बाबा’ नित्यानन्दले आफ्नो ‘छुट्टै देश’ घोषणा गरेका छन् ।

भारतीय सुरक्षा एजेन्सीको सर्वाधिक खोजीमा रहेका नित्यानन्दले ‘कैलासा’ नामक छुट्टै हिन्दू राष्ट्रको घोषणा गरेका हुन् ।

तर यो राष्ट्र विश्वको कुन कुनामा छ भन्ने जानकारी रहस्यमै रहेको छ । कैलासा देश बनाएको कुरा नित्यानन्दले बनाएको कैलासाडटओआरजी नामक वेबसाइटमार्फत जानकारी दिएका छन् । जसमा लेखिएको छ, ‘कैलासा हिन्दूहरुका लागि बनाइएको सीमाविहीन देश हो । यो त्यस्ता हिन्दूहरुका लागि बनाइएको हो जसले आफ्नै देशमा हिन्दू भएको अधिकार गुमाइसकेका छन् ।’

त्यतिमात्रै होइन, वेबसाइटमा ‘कैलासा’ को परिकल्पना अमेरिकामा गरिएको पनि बताइएको छ । नित्यानन्दले सनातन हिन्दू धर्मको रक्षा गर्नका लागि कैलासा बनाएको बताएका छन् । नित्यानन्दको कैलासामा आफ्नै सरकार पनि रहेको छ । जहाँ गृह विभाग, वित्त विभागलगायतका विभागसमेत रहेका छन् । उनको देशको अलग्गै झण्डा, पासपोर्टलगायतका चिज भएको पनि बताइएको छ ।

त्यस्तै कैलासामा काम गर्न चाहनेहरुका लागि पनि अवसर रहेकाे वेबसाइटमार्फत जानकारी दिइएकाे छ । साथै वेबसाइटमा स्वयम्भू बाबा नित्यानन्दको प्रशंसामा धेरै कुरा लेखिएको छ ।

बलात्कारको आरोप लागेपछि नित्यानन्दले भारत छाडेर भागेको भारतीय सञ्चार माध्यमले जनाएका थिए । इण्डिया टुडेले नित्यानन्द नेपालको बाटो हुँदै दक्षिण अमेेरिकी देेेश इक्वेडर गएको समाचार प्रकाशित गरेको थियो । अहिले पनि इक्वेडरको कुनै एउटा टापु किनेर नित्यानन्दले कैलासा देश निर्माण गरेको भारतीय सञ्चार माध्यमले जनाएका छन् ।

नित्यानन्दमाथि भारतको कर्नाटकमा बलात्कार र अपहरणको मुद्दा दर्ता भएको छ । त्यस्तै गुजरातमा पनि यौन उत्पीडनको मुद्दा दर्ता भएको छ । गुजरात प्रहरीले उनलाई खोजीरहेको भए पनि इन्टरपोलसँग भने सम्पर्क नगरिएको बताइएको छ ।

अन्तिम अपडेट: मंसिर ३, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्