मोडर्न भूमिकामा देखिँदै सृष्टि, सिनेमाका लागि सिकिन् पेन्टिङ

साउन ३, २०७५ बिहीबार १५:३३:१४ | उज्यालो सहकर्मी

काठमाडौं – अभिनेत्री सृष्टि श्रेष्ठ अभिनित सिनेमा ‘रोमियो एण्ड मुना’ साउन ११ गतेदेखि प्रदर्शनमा आउँदैछ ।

यस सिनेमामा सृष्टि मुनाको भूमिकामा छिन् । मुना गाउँकी सोझी युवती हुन्छे जसलाई पेन्टिङमा रुचि हुन्छ । सिनेमामा सृष्टिले अभिनेता विनय श्रेष्ठको जोडी भएर काम गरेकी छिन् । सिनेमामा विनय शहरिया रोमियोको भूमिकामा छन् ।

यस सिनेमामा गाउँकी मुना र शहरको रोमियोको प्रेम कहानी देख्न सकिन्छ । सिनेमामा पेन्टिङमा रुचि राख्ने मुनाको भूमिका निर्वाह गरेकी सृष्टिले यही सिनेमाकै लागि केही समय पेन्टिङ पनि सिकेकी थिइन् ।

उनी भन्छिन्, ‘मैले यस सिनेमाको लागि पेन्टिङ सिकेँ । सिनेमामा देखाइने पेन्टिङहरुमा पनि केही मेरो योगदान छ । अझ भन्ने हो भने यो सिनेमाले म भित्र भएको अर्को प्रतिभा बाहिर ल्याएको छ ।’

सृष्टिले योसँगै तीन वटा सिनेमामा काम गरिन् । उनको अहिले सम्म एउटा मात्रै सिनेमा प्रदर्शनमा आएको छ त्यो हो ‘गाजलु’ । उनी यो सिनेमामा पनि सोझी युवतीको भूमिकामा थिइन् । यसका अलावा उनले ‘बाँध मायाले’मा पनि काम गरेकी छिन् जसको टिजर केही दिनअघि मात्रै सार्वजनिक गरिएको छ । ‘बाँध मायाले’को टिजरमा पनि उनी गाउँले युवतीकै भूमिकामा देखिएकी छिन् ।

यही कारण सृष्टिलाई सबै सिनेमामा एउटै किसिमको भूमिकामा प्रस्तुत भएको प्रतिकृयाहरु आइरहेका छन् । यस विषयमा बोल्दै सृष्टिले हामीसँग भनिन्, ‘मेरो तीन वटै सिनेमाको लुक्स एउटै भएका कारण त्यस्तो सोच्नु भएको होला । तर यी तीनवटै क्यारेक्टरहरु फरक छन् । भन्न त सबै जनाले मेरो सबै क्यारेक्टर फरक छ भन्नुहुन्छ होला तर मेरा यी तीनवटा क्यारेक्टर साँच्चिकै फरक छन् । दर्शकले सिनेमा हेरेपछि थाहा पाउनु हुन्छ ।

तर म अर्को अर्को एउटा प्रोजेक्टमा मोडर्न गर्लको भूमिकामा प्रस्तुत हुँदैछु । दर्शकले छिट्टै नै मलाई मोर्डन गर्लको भूमिकामा पनि देख्न पाउनु हुन्छ । सायद यसपछि फरक अवतारमा देखिइन् भन्नु हुन्छ कि ।’

सन् २०१२ कि मिस नेपाल समेत रहेकी सृष्टिले बलिवुड गीतमा समेत काम गरेकी छिन् । यस गीतमा उनी विकिनीमा प्रस्तुत भएकी थिइन् जसको खुबै चर्चा भयो । यही गीतको चर्चापछि उनले नेपाली सिनेमामा प्रवेश गरेकी थिइन् । पहिलो सिनेमा ‘गाजलु’बाट सफलता पाएकी सृष्टि दोस्रो ‘सिनेमा रोमियो एण्ड मुना’ले पनि सफलता पाउनेमा विश्वस्त छिन् ।

–उज्यालाे गफगाफ डटकमकाे सहकार्य

अन्तिम अपडेट: मंसिर ११, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्