पाेखरा प्रिमियर लिग : धनगढीले दियाे विराटनगरलाई १ सय १८ रनकाे लक्ष्य

मंसिर ३०, २०७६ सोमबार ११:१९:४४ | उज्यालो सहकर्मी

कास्की – पोखरा प्रिमियर लिग (पीपीएल) अन्तर्गत आज भएको पहिलो खेलमा एक्सपर्ट धनगढीले विराटनगर टाइटन्सलाई एक सय १८ रनको लक्ष्य दिएको छ ।

पोखरा क्रिकेट मैदानमा टस हारेर पहिले ब्याटिङ गरेको धनगढीले २० ओभरमा आठ विकेट गुमाउँदै एक सय १७ रन बनायो ।

सुरुवात राम्रो गर्न नसकेको धनगढीले पाँच रनमा पहिलो विकेट गुमायो । उसका ओपनर सन्दीप सुनार मात्र तीन रनमा पेभेलियन फर्किए ।

त्यसपछि ३२ रनमा दोस्रो विकेट गुमाएको धनगढीले ४० रनमा तेस्रो विकेट गुमायो । विदेशी खेलाडी रोद्रिगो थोमस १६ रनमा आउट भए भने कप्तान दिपेन्द्र सिंह ऐरीले खाता खोल्न सकेनन् ।

धनगढीको विकेट झर्ने क्रम यतिमा रोकिएन । ४८ रनमा चौथो विकेट गुमाएको उसले ७९ रन बनाउँदा सात विकेट खेर फाल्यो ।

धनगढीका श्रीमन्थ विजेरत्नेले २५ रन बनाए भने सन्दिप जोरा सात, अमित यादव तीन र मञ्जित श्रेष्ठ ११ रनमा आउट भए । त्यसपछि सौरभ खनाल १२ रनमा बाहिरिँदा धनगढीले ९८ रनमा आठ विकेट गुमाउन पुग्यो ।

धनगढीका लागि अन्तिममा कमलसिंह ऐरीले २६ रनको योगदान गरे । बलिङतर्फ विराटनगरका लागि साहब आलमले तीन तथा नोमान खानले दुई विकेट लिए ।

अन्तिम अपडेट: मंसिर १२, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्