जब दाङकाे १ हजार ३ सय ५० घरधुरीमा एकैपटक बिजुली बल्यो...

पुष ३, २०७६ बिहीबार १०:३३:७ | हेमराज शर्मा

दाङ – दाङको सदरमुकाम घोराहीसँगै जोडिएको घोराही उपमहानगरपालिका १९ को सैघामा बुधबार बिजुली बत्ती पुगेको छ ।

बजारको नजिकै भएर पनि भूगोलको हिसाबले दुर्गमसँगै विकासमा पछि परेको पहिलेको सैघा गाविस घोराही उपमहानगरपालिकामा गाभिएपछि उपमहानगरको पहलमा बिजुली पुगेको हो ।

सैघाको लाखुरी बजारमा बुधबार एक कार्यक्रमको आयोजना गरी घोराही उपमहानगरपालिकाका प्रमुख नरुलाल चौधरीले स्विच अन गरेर बिजुली बत्तीको उद्घाटन गर्नुभएको हो ।

घोराही बजारबाट ४ वटा सडकले सैघालाई जोड्न सफल भएको र अहिले बिजुली विस्तार पनि भएको भन्दै अब विकट सैघा सुगमताको निकट भएको प्रमुख चौधरीले उल्लेख गर्नुभयो । सरकारले विकासका पूर्वाधारहरु तयार पारेको र अब सैघाका नागरिकहरु उत्पादनसँग जोडिएर सेवा लिन अग्रसर हुनुपर्नेमा उहाँले जोड दिनुभयो ।

सडक र बिजुली पुगेपछि सैघाका नागरिकहरु निकै खुशी भएका छन् । मोटरबाटो पुगेपछि सहज यातायातको पहुँच भएको छ भने बिजुली पुगेपछि टुकी र सोलार पनि विस्थापित हुने छ ।

१९ वटा टोल रहेको सैघाका १ हजार ३ सय ५० घरधुरीमा बुधबार एकैपटक बिजुली बत्ती बालिएको घोराही उपमहानगरपालिकाका सञ्चार संयोजक निमुसङगम घर्तिले जानकारी दिनुभयो ।

अन्तिम अपडेट: कात्तिक २९, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

हेमराज शर्मा

दाङमा बसेर पत्रकारिता गर्ने हेमराज शर्मा लामो समयदेखि उज्यालोमा कार्यरत हुनुहुन्छ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्