दशगजामा भारतले बनायो चेकपोष्ट, छलफलबाट विवाद टुंग्याउने गृहमन्त्री थापाको आश्वासन

साउन ५, २०७५ शनिबार २०:०:९ | शैलेन्द्र महतो

धनुषा – जटही दशगजा क्षेत्रमा भारतीय पक्षले एकतर्फी चेकपोष्ट निर्माण सुरु गरेको छ ।

भारतीय कस्ट्युम अफिसले धनुषाको नगराइन नगरपालिका–२, जटही र भारतको मधुवनी जिल्लाको पिपरौन दशगजा क्षेत्रमा एकतर्फी चेक पोष्ट निर्माण थालेको हो । सशस्त्र प्रहरी सीमा सुरक्षा बलले पटक–पटक रोक्दा समेत भारतीय पक्षले ठूलो संख्यामा सुरक्षाकर्मी परिचालन गरेर चेक पोष्ट निर्माणलाई निरन्तरता दिइरहेको छ । गएको जेठ २ गतेबाट एसपी ५१ र पिल्लर नम्बर २८४र३५ को बीचमा कस्ट्युम अफिसले चेक पोष्ट निर्माण सुरु गरेको थियो ।

जमुनी नदीको दक्षिणी किनारमा निर्माण गरिरहेको चेकपोष्ट तत्काल रोक्न भारतीय पक्षलाई पटक–पटक आग्रह गर्दा समेत भारतीय पक्षले पुनः बीच–बीचमा रोकेर चेकपोष्ट निर्माण जारी राखेका छन् ।

‘गएको जेठ २८ गते भारतीय पक्षलाई चेकपोष्ट तत्काल निर्माण रोक्न आग्रह गरेपछि रोकेको थियो’, सशस्त्र प्रहरीका धनुषा प्रहरी उपरीक्षक राजु पाण्डेले भन्नुभयो, ‘त्यसपछि पुनः असार १४ गतेबाट बनाउन सुरु गर्यो । यस विषयमा प्रमुख जिल्ला अधिकारीलगायत माथिल्लो निकायमा समेत जानकारी गराएका छौं ।’ यस विषयमा गृहमन्त्री रामबहादुर थापा बादललाई समेत जानकारी गराइएको उहाँले बताउनुभयो ।

भारतीय पक्षले एकतर्फी रुपमा चेकपोष्ट निर्माण थालेको विषयमा शनिबार जनकपुर विमानस्थलमा सञ्चकर्मीको जिज्ञासामा गृहमन्त्री थापाले पूर्व मेचीदेखि पश्चिम महाकालीसम्मको सीमा सन्दर्भमा भारतसँग रहेको विवाद विषयमा दुवै पक्ष बसेर छलफल गरी समाधान गर्ने बताउनुभयो ।

उहाँले भन्नुभयो, ‘दुवै देशका प्रबुद्ध नागरिको समूह बसेर नेपाल–भारत सम्बन्ध, विगतमा भएको सन्धि सम्झौता नयाँ रुपबाट पुनरावलोकन र अन्य पारवाहन विवाद लगायतका मुद्दाहरुको दुवै देशको पारस्परिक र राष्ट्रिय हितलाई ध्यानमा राखेर छलफल गरी समाधान गर्न सरकार अघि बढेको छ ।’

अन्तिम अपडेट: मंसिर २३, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

शैलेन्द्र महतो

शैलेन्द्र महतो उज्यालोका धनुषा सहकर्मी हनुहुन्थ्यो।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्