बीसीसीआईले केन्द्रीय सम्झौताबाट हटायाे : धोनीले सन्यास लिनसक्ने

माघ ३, २०७६ शुक्रबार १५:४९:६ | उज्यालो सहकर्मी

भारतीय क्रिकेट बोर्ड बीसीसीआईले महेन्द्र सिंह धोनीलाई नयाँ केन्द्रीय सम्झौताबाट हटाएपछि उनले अन्तराष्ट्रिय क्रिकेटबाट अब चाँडै सन्यासको घोषणा गर्ने अनुमान गरिएको छ ।

केन्द्रीय अनुबन्धमा नभएपछि क्रिकेटरहरुलाई बीसीसीआईले पारिश्रमिक दिँदैन । बुधबार मात्रै बीसीआईले अनुबन्ध गरेका खेलाडीहरुको सूची सार्वजनिक गर्दा धोनीको नाम राखिएकाे थिएन ।

धोनी विश्वकपपछि भारतीय टिममा पनि परेका छैनन् । तर, धोनी बिहीबार एकाएक नेट अभ्यासका क्रममा देखा परे । उनले आफ्नो घरेलु टिम झारखण्डका खेलाडीसँग अभ्यास गरेका हुन् ।

सम्बन्धित समाचार

विश्वका यी क्रिकेटरहरुले याे वर्ष सन्यास लिने प्रबल सम्भावना

झारखण्ड क्रिकेट एसोसिएशनकाे स्रोतले स्थानीय सञ्चार संस्था पीटीआईसँग कुराकानी गर्दै धोनी टीमलाई नभनी अभ्यास गर्न आएका र यो उनका लागि शानदार अनुभव रहेकाे बताएकाे थियाे । उनले केही समयको लागि नेटमा ब्याटिङ्ग गरे । उनको त्यहाँ आउने बारेमा कसैलाई कुनै पनि सूचना नभएको बताइएको छ ।

गत वर्ष उनी यस सम्झौताको ग्रेड ‘ए’ मा थिए तर यस पटक भने यस्तो गरिएन । उनलाई पहिला ग्रेड ‘ए’ मा पाँच करोड दिइएको थियो । भारतीय क्रिकेट कन्ट्रोल बोर्डले धोनीको सम्झौताबाट टाढा हुनको कारण कम खेलहरु भएको बताइएको छ ।

अन्तिम अपडेट: मंसिर ११, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्