ट्रम्पविरुद्धकाे महाभियोग : प्रजातन्त्रमाथि ‘खतरनाक आक्रमण'– कानुनी टिम

माघ ५, २०७६ आइतबार ९:४४:५७ | उज्यालो सहकर्मी

काठमाण्डौ – अमेरिकी राष्ट्रपति डोनाल्ड ट्रम्पविरुद्धको महाअभियोगलाई लिएर उनको कानुनी टिमले पहिलो औपचारिक जवाफ दिएको छ ।

कानुनी टिमले अमेरिकी राष्ट्रपति ट्रम्पविरुद्ध महाअभियोगको आरोप निर्लज्ज र गैरकानुनी भएको बताएको छ । कानुनी टिमले भनेको छ, यो प्रजातन्त्रमाथि ‘खतरनाक आक्रमण’ हो ।

डेमाेक्रेट्स पार्टीका सांसदहरुले भने लाेकतान्त्रिक मूल्य र राष्ट्रिय सुरक्षाकाे लागि गम्भीर र दीर्घकालीन क्षतिबाट बच्न ट्रम्पलाई दाेषी ठहराउनु पर्ने र कार्यालयबाट हटाउनु पर्ने बताएका छन् ।

सम्बन्धित समाचार

डोनाल्ड ट्रम्पविरुद्धकाे महाअभियोग प्रस्ताव तल्लाे सदनबाट पारित

६ पानाको पत्रमा भनिएको छ, ‘महाअभियोगमा ट्रम्पमाथि अपराध गरेको आरोप लगाउन असफल प्रयास गरिएको छ, जसको उद्देश्य २०२० को चुनावलाई असर पुर्‍याउनु हो ।’

ट्रम्प अमेरिकी इतिहासमा महाअभियोग लगाइएका तेस्रो राष्ट्रपति बनेका छन् । अहिलेसम्म अमेरिकी राजनीतिको इतिहासमा कुनै पनि राष्ट्रपतिलाई महाअभियोग प्रक्रियाबाट हटाइएको छैन ।

यसअघि अमेरिकाका १७ औँ राष्ट्रपति एन्ड्रयू जोनसोन र ४२ औँ राष्ट्रपति बिल क्लिन्टनविरुद्ध महाअभियोगको प्रक्रिया चलेको थियो तर त्यो सफल हुन सकेन ।

ट्रम्पमाथि संसदको काम कारबाहीमा वाधा पुर्याएको र सत्ताको दुरुपयोग गरेर जो बाइडन र उनको छोरामाथि जाँच गर्न युक्रेनमाथि दबाब दिएको आरोप छ ।

अमेरिकी संसदको माथिल्लो सदनमा राष्ट्रपति ट्रम्पमाथि महाअभियोग आरोपको प्रक्रिया सुरु भएको छ । यो विषयमा सुनुवाइ आउँदो हप्ता हुनेछ ।

अमेरिकी तल्लो सदनमा विपक्षी डेमोक्रेट्सको बाहुल्यता भए पनि माथिल्लो सदनमा ट्रम्पको रिपब्लिकन पार्टीको बाहुल्यता छ, जसले ट्रम्पलाई दोषी ठहराउने र पदबाट हटाउने फैसला गर्नेछ ।

अन्तिम अपडेट: मंसिर ४, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्