बार्सिलाेना र रियल मड्रिड 'काेपा डेल रे' काे अन्तिम १६ मा

माघ ९, २०७६ बिहीबार ७:७:३३ | उज्यालो सहकर्मी

काठमाण्डाै – 'कोपा डेल रे' को सर्वाधिक सफल टिम बार्सिलोना अन्तिम १६ मा स्थान बनाउन सफल भएको छ ।

बुधबार राति भएको खेलमा बार्सिलोनाले तेस्रो डिभिजनको इबिजालाई दुई–एक गाेल अन्तरले हरायो । ३० पटकको कोपा डेल रे च्याम्पियन बार्सिलोनालाई जित दिलाउनका लागि एन्ट्वान ग्रिजम्यान नायक बने ।

सुरुमै एक गोलले पछि परेको बार्सिलोनाले खेलको अन्तिम समयमा गोल फर्काउन सफल भयो । लियोनल मेस्सी र जेरार्ड पिकेलाई आराम दिइएको खेलमा इबिजाले नवौं मिनेटमै अग्रता लियो । इबिजाको मैदानमा भएको खेलमा जाभी पेरेजको गोलमार्फत घरेलु टिमले अग्रता लिएको थियो ।

७२औँ मिनेटमा ग्रिजम्यानले गोल गर्दै खेल बराबरीमा पुर्‍याए । त्यसपछि इन्ज्युरी समयमा पनि ग्रिजम्यानले गोल गर्दै बार्सिलोनालाई जित दिलाए । बार्सिलोनाले अहिलेसम्म ३० पटक कोपा डेल रेको उपाधि जितिसकेको छ भने पछिल्लो पाँच सिजनमा मात्र चार पटक च्याम्पियन भइसकेको छ ।

रियल मड्रिड पनि सालमान्कालाई तीन–एक गाेलले हराउँदै अन्तिम १६ मा स्थान बनाउन सफल भएको छ । तेस्रो डिभिजनको पुछारमा रहेको सालामान्कालाई हराउनका लागि ग्यारेथ बेल र ब्राहिम डियाजले एक–एक गोल गरे भने अर्को एक गोल रियलले आत्मघाती पाएको थियो ।

१८औँ मिनेटमा बेलले गोल गर्दै रियललाई अग्रता दिलाएका थिए । ५७औँ मिनेटमा अल्भारो रोमेरोले गोल गर्दै खेल बराबरीमा पुर्‍याए । ६२औँ मिनेटमा हुवान गोंगोराले आत्मघाती गोल गर्दा रियल मड्रिडले अग्रता लियो । इन्ज्युरी समयमा डियाजले गोल गरेपछि रियल मड्रिडले सहज जित निकालेको हो ।

सेभिया, एथ्लेटिक क्लब, भ्यालेन्सिया, ग्रानाडा, भिल्लारियल र रियल सोसियडाड पनि प्रिक्वार्टर फाइनलमा स्थान बनाउन सफल भएका छन् ।

अन्तिम अपडेट: मंसिर ११, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्