प्यान अनिवार्य गर्ने नियम प्रभावकारी बन्दै : असारयता १० लाख थपिए

माघ १८, २०७६ शनिबार ११:४६:२६ | उज्यालो सहकर्मी

काठमाण्डौ – स्थायी लेखा नम्बर प्यान लिनेको संख्या झण्डै साढे ३१ लाख पुगेको छ । गएको असारयता प्यान लिनेको संख्या १० लाखभन्दा धेरैले बढेको र पुस मसान्तसम्म ३१ लाख ३१ हजारले प्यान लिएको अर्थ मन्त्रालयले जनाएको छ ।

असारमा प्यान लिनेको संख्या २१ लाख ७२ हजार थियो । सरकारले बजेटमार्फत एक हजार रुपैयाँभन्दा माथिको कारोबारमा प्यान नम्बर अनिवार्य गरेपछि प्यान लिनेको संख्या ६ महिनामै झण्डै ४५ प्रतिशतले बढेको हो ।

पुससम्म व्यवसायिक प्यान लिने १३ लाख २३ हजार रहेका छ्न भने व्यक्तिगत प्यान लिने १८ लाख ५ हजार छन् । नयाँ व्यवस्थाअनुसार सरकारी, गैरसरकारी र निजी सबै संस्थाले तलब बैंकमार्फत नै दिनुपर्छ र बैंकमार्फत तलब दिँदा र लिँदा प्यान अनिवार्य गरिएको छ ।

कुनै संस्थाले कर्मचारीलाई प्यानबिना तलब दिएमा त्यो तलब खर्चमा गणना नगरिने आर्थिक ऐनमा उल्लेख छ । यस्तै पुस मसान्तसम्म मूल्य अभिबृद्धि कर भ्याटमा दर्ता भएका करदाता २ लाख ४६ हजार छन् ।

पछिल्लो ६ महिनामा ३४ हजार १ सय भ्याटका नयाँ करदाता थपिएका छन् । यस्तै अहिलेसम्म अन्तशुल्कमा दर्ता हुने करदाता ९५ हजार ६ सय रहेको अर्थ मन्त्रालयले जनाएको छ ।

अन्तिम अपडेट: फागुन ५, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्