तीन–दुईकाे राेमाञ्चक जित निकाल्दै टाेटनह्याम एफ ए कपकाे पाँचाैँ चरणमा प्रवेश

माघ २३, २०७६ बिहीबार ७:३७:५८ | उज्यालो सहकर्मी

काठमाण्डाै – साउथह्याम्टनविरुद्ध तीन–दुईको रोमाञ्चक जित निकाल्दै टोटनह्याम एफ ए कपको पाँचौ चरणमा प्रवेश गरेको छ । बुधबार राति भएको खेलमा टोटनह्यानले दुई–एकले पछि परेको अवस्थामा जित निकालेको हो ।

निकै रोमाञ्चक बनेको खेलको १२ औं मिनेटमा टोटनह्यामले उपहार गोलमार्फत अग्रता बनाएको थियो । साउथह्याम्टनका ज्याक स्टेफेन्सले बल क्लियर गर्न खोज्दा आफ्नै पोस्टमा गोल गर्न पुगे ।

३४औँ मिनेटमा शेन लाेङले गाेल गर्दै साउथह्याम्टनलाई बराबरीमा पुर्‍याए । पहिलो हाफ एक–एक गोलको बराबरी भएको खेलको ७२औँ मिनेटमा साउथह्याम्टनले खेलमा अग्रता लियो । उसका लागि ड्यानी इङ्सले गोल गरे ।

तर खेलको अन्त्यतिर १० मिनेटमा दुई गोल फर्काउँदै जोजे माउरिन्होको टिम टोटनह्यामले जित निकाल्न सफल भयो । ७८औँ मिनेटमा लुकास मौराको गोलमा टोटनह्यामले खेल दुई–दुईको अवस्थामा पुर्‍यायाे ।

त्यसपछि ८७औँ मिनेटमा टोटनह्यामले पेनाल्टीको अवसर पायो । जसलाई सन ह्युङ मिङले गोल गर्न सफल भए । डेन अलीको पासलाई क्लियर गर्न खोज्दा साउथह्याम्टनका गोलकिपरले डिवक्समा फल गरेका थिए । जसलाई सनले पेनाल्टीमार्फत गोल गरे ।

अब पाँचौँ चरणमा टोटनह्यामले नोर्विच सिटीसँग खेल्नेछ ।

अन्तिम अपडेट: मंसिर ११, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्