दक्षिण काेरियामा काेराेना : २५ लाख मानिसलाई घरभित्रै बस्न सरकारकाे आग्रह

फागुन ८, २०७६ बिहीबार १७:४४:१७ | रासस

काठमाण्डौ - कोरोना भाइरसको संक्रमणबाट बच्न दक्षिण कोरियाले २५ लाख मानिसलाई घरभित्रै बस्न आग्रह गरेको छ ।

दक्षिण कोरियाली डाइगु क्षेत्रका मेयर क्वोन योङ–जीनले नगर क्षेत्रमा कोरोना जीवाणुको सङ्क्रमण देखिन थालेको भन्दै २५ लाख मानिसलाई घरभित्रै बस्न आग्रह गर्नुभएको हो ।

टेलिभिजनबाट प्रत्यक्ष प्रसारण गरिएको पत्रकार सम्मेलनमा मेयर क्वोनले सम्भव भए घरभित्र पनि मास्क लगाएर बस्न आग्रह गर्नुभयो । उहाँले कोरोनाविरुद्ध लड्न केन्द्रीय सरकारसँग आग्रह पनि गर्नुभएको छ ।

डाइगु नगर क्षेत्रमा बिहीबार मात्रै थप ३५ जनामा कोरोना जीवाणुको सङ्क्रमण देखिएको थियो । दक्षिण कोरियामा अहिलेसम्म ८२ जनामा कोरोना जीवाणुको सङ्क्रमण देखिएको छ ।

कोरोना जीवाणुको सङ्क्रमण बढ्न थालेसँगै डाइगु नगरका सडक सुनसान हुनथालेको दक्षिण कोरियाली समाचार संस्था योनहापले जनाएको छ ।

अन्तिम अपडेट: मंसिर ७, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्