सेक्युरिटी प्रिन्टिङ प्रेसबारे झूटाे विवरण बनाएर ‘गुमराह’मा नराख्नुस् : लेखा समिति

फागुन ८, २०७६ बिहीबार २०:२८:६ | उज्यालो सहकर्मी

काठमाण्डौ - सांसदहरुले सेक्युरिटी प्रिन्टिङ प्रेस स्थापना सम्बन्धमा झूटाे विवरण दिएर संसदीय समितिलाई गुमराहमा नराख्न सरकारलाई चेतावनी दिएका छन् ।

सेक्युरिटी प्रेस स्थापनाका सम्बन्धमा सञ्चार तथा सूचना प्रविधि मन्त्रालय र सुरक्षण मुद्रण केन्द्रका कर्मचारीसँगको छलफलका क्रममा सार्वजनिक लेखा समितिका सदस्यहरुले समितिलाई झूटो विवरण दिएर उम्कने गल्ति नगर्न मन्त्रालयका कर्मचारीलाई चेतावनी दिएका हुन् ।

सेक्युरिटी प्रेस स्थापनाकाे सम्बन्धमा मन्त्रालयका सचिव दिपक सुवेदी र सुरक्षण मुद्रण केन्द्रका कार्यकारी निर्देशक विकल पौडेलको जवाफ गोलमोटल र स्पष्ट नभएपछि सांसदहरुले गलत जवाफ नदिन सचेत गराएका हुन् ।

सांसद विरोध खतिवडाले फ्रान्स र जर्मनीमा मन्त्रालयका तर्फबाट पटक पटक भएको भ्रमणको खर्च कसले ब्यहोरेकाे छ भनेर प्रश्न गर्दा मुद्रण केन्द्रका कार्यकारी निर्देशक पौडेलले सबै नेपाल सरकारको तर्फबाट भएको जवाफ दिनुभएको थियो ।

पौडेलले आफ्नो भनाइ छिनमै बदलेपछि सांसदहरुले सबै भ्रमणको सही विवरण बुझाउन सचेत गराएका थिए । सांसद डाक्टर मिनेन्द्र रिजालले चेतावनी दिँदै भन्नुभयो, ‘तपाईँले यहाँ बोल्या कुरा झूटाे भयो, प्रमाणभन्दा बाहिर गयो भने संसदको विशेषाधिकार आकर्षित हुन्छ । यो विषय गम्भीर हो । हाम्लाई पनि शंका लागेको छ । प्रश्न गर्ने क्रम सकिएको छैन ।’

सांसद इस्तियाक राईले भन्नुभयो, ‘मैले पनि मन्त्रालय चलाएकै हो । कुनै पनि इन्जिनियरले दर रेटभन्दा फरक ल्याउँछ भने किन र के का लागि ल्याएको भनी प्रष्ट हामीले ब्रिफिङ लिएर मात्रै प्रक्रिया अगाडि बढाउँछौ तसर्थ तपाईँ पन्छिन मिल्दैन ।’

अन्तिम अपडेट: माघ ४, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्