सर्लाहीमा जङ्गली हात्तीद्वारा अन्न र उखुबाली नष्ट

माघ ५, २०८१ शनिबार १६:३३:५१ | उज्यालो सहकर्मी

काठमाण्डाै – सर्लाहीकाे हरिपुर नगरपालिका–१, हजारविघामा जङ्गली हात्तीले किसानको अन्न र उखुबाली नष्ट गरेको छ । तीन वटाको सङ्ख्यामा रहेका जङ्गली हात्तीले गाउँ छिरेर मकै र उखु बालीमा क्षति पुर्‍याएको हो ।

गएराति हात्तीले स्थानीय मुना लाह्योको कच्ची घर पनि भत्काएको छ । घरमा भएको अन्न खाएर नष्ट गरेको पीडितको गुनासो छ । त्यसैगरी निर्माला कार्की, अष्टम खड्का, गोपाल बस्नेतलगायतको मकै, गहुँ र उखु बाली पनि नष्ट गरेको छ । जङ्गली हात्ती दिनभर जङ्गलमा बस्ने र राति गाउँमा प्रवेश गरेर बाली नोक्सान गर्ने गरेको स्थानीय बासिन्दा अशोक विमलीले बताउनुभयो ।

रातमा जङ्गली हात्ती गाउँमा पस्न थालेपछि आफूहरु त्रसित भएको पीडितले गुनासो गरेका छन् । हरिपुर नगरपालिका–१, जानकीनगरको जङ्गलमा जङ्गली हात्ती पसेपछि सावधानी अपनाउन सव–डिभिजन वन कार्यालय मुर्तियाले स्थानीयबासिन्दालाई अनुरोध गरेको छ । एक वर्षअघि, जङ्गली हात्तीले घुर्कौलीमा एक जनाको ज्यान लिएको थियो ।

अन्तिम अपडेट: माघ ५, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्

सर्लाहीमा जङ्गली हात्तीद्वारा अन्न र उखुबाली नष्ट

फाइल फाेटाे

तपाईको प्रतिक्रिया