एनआईसी एशियामा खाता खोल्दा २ लाख १४ हजार रूपैयाँसम्म फाइदा

फागुन ९, २०७६ शुक्रबार ७:४२:५८ | उज्यालो सहकर्मी

काठमाण्डौ - एनआईसी एशिया बैंकमा खाता खोल्दा २ लाख रुपैयाँभन्दा बढी फाइदा हुने भएको छ । बैंकले ल्याएको 'न्यू चमत्कारिक बचत खाता 'योजनाअन्तर्गत ल्याएका विभिन्न खाता सुविधाहरूमार्फत ग्राहकहरुलाई २ लाख १४ हजार फाइदा हुने भएको हो । ग्राहकहरूले ३० चमत्कारिक फाइदा पाउने छन् ।
यस योजना अन्तर्गत खाता खोल्दा न्यूनतम ५० हजार रूपैयाँदेखि २ लाख १४ हजार रूपैयाँसम्मको चमत्कारिक फाइदा पाउने सुविधा दिइएको छ । बीमा सम्बन्धी ३ आकर्षक चमत्कारिक फाइदा, कर्जामा २ चमत्कारिक फाइदाका साथै २५ वटा अन्य चमत्कारिक फाइदाहरू बैंकले अघि सारेको छ ।

२१ लाख रूपैयाँको बीमा सुविधा बैंक बाहिरबाट लिँदाभन्दा बैंकको न्यू चमत्कारिक खाताअन्तर्गत गर्दा करिब १४ हजार रूपैयाँ बराबर फाइदा हुने देखिन्छ।

जस्तै बैंकले दुर्घटना बीमा, घातक रोगहरू र मेडिकल बीमाअन्तर्गत २१ लाख रूपैयाँ बराबरको बीमा सुविधा प्रदान गरेको छ । बीमा सुविधा अन्तर्गत खातावालाको दुर्घटनाबाट ज्यान गएमा वा पूर्णरुपमा अशक्त भएमा १० लाख रूपैयाँसम्मको बीमा सुविधा उपलब्ध हुनेछ ।

१८ घातक रोगहरूको लागि १० लाख रूपैयाँसम्मको बीमा सुविधा र १ लाख रूपैयाँसम्मको औषधी उपचार (मेडिकल) बीमाको लाभ समेत खातावालाले पाउने व्यवस्था रहेको छ । मेडिकल बीमाअन्तर्गत अस्पतालमा भएका सामान्य खर्च जस्तै डाक्टरको शुल्क, ल्याब टेष्ट, औषधी खर्च लगायतका खर्चहरु बापत २० हजार रूपैयाँसम्म र अस्पताल भर्ना बापत ८० हजार रूपैयाँँसम्मको हकदार ग्राहकहरुले प्राप्त गर्न सक्नेछन् ।

योसँगै खुद्रा कर्जा प्रवाह गर्दा २ चमत्कारिक फाइदाहरू छन् । खातावालालाई कर्जाको प्रशासनिक शुल्कमा २५ बेसिस प्वाइन्टसम्मको छुट प्राप्त हुनेछ भने कर्जा ब्याजदरमा विशेष सहुलियतको सुविधा दिइएको छ ।

यस बचत खाता हुने ग्राहकहरुले यदि ५० लाख रूपैयाँको कर्जा उपयोग गरेमा उनीहरुलाई करिब ११३,००० रूपैयाँ बराबरको ब्याज तथा कर्जा प्रशासनिक शुल्कमा फाइदा पुग्छ ।

यसबाहेक विभिन्न खालका निशुल्क योजनाहरू जस्तै डेबिट/क्रेडिट कार्ड, खुद्रा कर्जा प्रशासनिक शुल्कमा तथा ब्याजदरमा छुट, कुनै पनि बैंकका एटिएम मेसिनबाट रकम झिक्दा नि:शुल्क, निशुल्क होम बैंकिङ, स्वीप इन–स्वीप आउट जस्ता २५ सुविधाबाट ८७ हजार रूपैयाँसम्मको फाइदा हुने बैंकले जनाएको छ ।

स्वीप इन-स्वीप आउट सुविधा

यो एक विशेष किसिमको सुविधा हो जसमा ग्राहकले खोलेको न्यू सुपर चमत्कारिक बचत खाताहरुमा स्वतः मुद्दती खाताको लाभ प्राप्त गर्न सक्नेछन् ।

यदि ग्राहकहरूले बचत रकममा उच्चतम ब्याज आम्दानी गर्ने बाटो खोज्दै छन् भने पनि बैंकको स्वीप इन-स्वीप आउट सुविधा अन्तर्गत बैंकले न्यू सुपर चमत्कारिक बचत खातामा २ लाख रूपैयाँभन्दा बढी रकमलाई १०,००० रूपैयाँले गुणन गरी तीन महिनाको मुद्दती निक्षेपमा स्वतः रकमान्तर हुनेछ । बचत खातामा ६ दशमलव ५ प्रतिशत ब्याजदर पाइरहेको ग्राहकले मुद्धती खातामा जाने बित्तिकै ९ दशमलव ७५ प्रतिशतसम्म ब्याज प्राप्त गर्न सक्नेछन् ।

अन्तिम अपडेट: मंसिर ८, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्