साझा पार्टीको माग : संघीयता र धर्म निरपेक्षताबारे जनमत सङ्ग्रह हुनुपर्ने

फागुन १७, २०७६ शनिबार १८:२८:१३ | उज्यालो सहकर्मी

काडमाण्डौ – रविन्द्र मिश्रको नेतृत्वमा रहेको साझा पार्टीले संघीयता र धर्म निरपेक्षका विषयमा जनमत सङ्ग्रह गर्न माग गरेको छ ।

लुम्बिनीमा शनिबार सम्पन्न साझा पार्टीको राष्ट्रिय भेलाले संघीयता र धर्मनिरपेक्ष विवादित बन्दै गएको भन्दै यी विषयमा जनमत संग्रह गर्न माग गरेको हो । भ्रष्टाचार र नीतिगत अराजकता अन्त्य गर्न भन्दै पार्टीले २०४६ सालदेखि उच्च राजनीतिक र प्रशासनिक पदमा बसेका सबैको सम्पत्ति छानबिन गर्नुपर्ने समेत माग गरेको छ ।

छानबिनका लागि उच्चस्तरीय आयोग गठन गर्नुपर्ने पार्टीको भनाइ छ । यस्तै, सरकारी तलब लिने कर्मचारीहरुको युनियन खारेज गर्नुपर्ने र सांसद तथा जनप्रतिनिधिका नाममा वितरण हँुदै आएको बजेट रोकेर त्यो रकम शिक्षा क्षेत्रमा खर्च गर्नुपर्ने माग समेत पार्टीले गरेको छ ।

त्यसैगरी, गरिबीको रेखामुनि रहेका मजदुर, किसान, सुकुम्बासी, विद्यार्थी र अन्य नागरिकलाई सक्दो सहुलियत दरमा खाद्यवस्तु उपलब्ध गराउन रासन कार्डको व्यवस्था गर्न पनि साझा पार्टीले माग गरेको छ ।

लुम्बिनी घोषणापत्र जारी गर्दै साझा पार्टीले आगामी एक वर्षको कार्ययोजना समेत पारित गरेको छ । कार्ययोजनामा वर्षभरि संगठन विस्तारलाई जोड दिने र समान विचार राख्ने दलसँग एकता गर्ने घोषणापत्रमा उल्लेख छ ।

अन्तिम अपडेट: माघ ४, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्