विद्युत आयोजना विस्तारका लागि संखुवासभामा १२ हजार रुख काटिने

फागुन १९, २०७६ सोमबार १०:३०:१२ | नवीन गुरुङ

संखुवासभा - संखुवासभामा विद्युत् आयोजना विस्तारका लागि राष्ट्रिय वनका झण्डै १२ हजार रुख कटान गरिने भएको छ ।

९ सय मेघावाटको अरुण तेस्रो जलविद्युत्त आयोजना र २२० केभी प्रसारण लाइनको कोशी कोरिडोर विस्तारको क्रममा ११ हजार ८ सय ९५ वटा रुख काटिने भएको हो ।

डिभिजन वन कार्यालय संखुवासभाका सहायक वन अधिकृत हेमन्त पराजुलीले अरुण तेस्रोको २२० केभीअन्तर्गत पावरहाउस र ड्यामसाइटमा ५ हजार ४०१ वटा रुख काटिने जानकारी दिनुभयो ।

कोशी कोरिडोर २२० केभीअन्तर्गत २२० वटा र अरुण तेस्रोको ड्यामसाइट जाने ३३ केभी अन्तर्गत १ हजार ९ सय १७ वटा रुख काटिने छ । यस्तै अरुण तेस्रोको ४०० केभी अन्तर्गत ३ हजार ८ सय ४७ वटा रुख काटिने भएको पराजुलीले बताउनुभयो ।

अरुण तेस्रोको २२० केभी अन्तर्गत चिचिला गाउँपालिका-२ पुखुवामा रहेको पावारहाउस गृह र मकालु गाउँपालिका-५ फ्याक्सिन्दामा बन्ने ड्यामसाइट जाने रुटमा ५ हजार ४०१ वटा रुख काटिँदैछन् ।

अहिलेसम्म यस क्षेत्रका झण्डै ९० प्रतिशत रुख काटिसकिएको सहायक वन अधिकृत पराजुलीले जानकारी दिनुभयो । त्यसैगरी सुनसरी–धरान–धनकुटा हुँदै संखुवासभा र भोजपुरसम्म जोडिने २२० केभी प्रसारण लाइनको कोशी कोरिडोरअन्तर्गत ७३० वटा रुख काटिने भएको छ ।

९०० मेघावाटको अरुण तेस्रोको पिलुवा हाइड्रोपावरबाट ड्यामसाइट फ्याक्सिन्दा लैजाने ३३ केभी प्रसारण लाइन अन्तर्गत १ हजार ९१७ वटा रुख काटिने भएको छ।

अरुण तेस्रो ९०० मेघावाटबाट उत्पादित विद्युत्त संखुवासभा, भोजपुर, खोटाङ्ग, उदयपुर र सिरहा हुर्दै भारत लैजाने ४०० केभी प्रशारण लाइन अन्तर्गत ठाउँहरुमा ३ हजार ८४७ वटा रुखहरु काटिने भएको छ ।

‘अरुण तेस्रो प्रसारण लाइनअन्तर्गत निर्माण कम्पनी सतलजले रुख काट्ने अनुमति मागेको थियो । वन मन्त्रालयसँगको पत्राचारपछि रुख काट्ने काम अन्तिम चरणमा पुगिसकेको छ । अन्य प्रशारण लाइनमा पनि रुख काट्ने अनुमतिका मन्त्रालयमा फाइल पठाएका छौ, काट्ने आदेश आएको छैन ’पराजुलीले भन्नुभयो ।

विद्युत् प्रसारण लाइन हुने क्षेत्रमा धेरै रुखहरु काटिने भएको छ । अरुण तेस्रो जलविद्युत् परियोजनाले मकालु राष्ट्रिय निकुञ्ज क्षेत्रको ४४ दशमलव १८ हेक्टर वन प्रयोग गरेको छ ।

वन ऐनअनुसार विद्युत् प्रसारण लाइन निर्माणका लागि राष्ट्रिय निकुञ्ज क्षेत्रमा एक रूख बराबर २५ बिरुवा र अन्य वन क्षेत्रमा एक रूख बराबर दुई बिरुवा लगाउनुपर्ने कानुनी प्रावधान छ ।

अन्तिम अपडेट: मंसिर १४, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

नवीन गुरुङ

संखुवासभाका पत्रकार नवीन गुरुङ उज्यालोका जिल्ला सम्बाददाता हुनुहुन्छ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्